! DOLGOZAT_lemezre - ELTE BTK disszertációk

7.24 Dativus et ablativus plurales secundae declinationis fiunt ab ablativo singulari mutata o in
is longam. Inveniuntur pauca inaequalem habentia declinationem, ut ‛vas’ in singulari tertiae
et in plurali secundae. Festorum etiam dierum nomina in a desinentia semper pluralia
genitivum quidem tam secundum formam secundae, quam tertiae proferunt, dativum et
ablativum secundum tertiam, ut ‛haec Vulcanalia’, ‛horum Vulcanaliorum’ vel ‛Vulcanalium’,
‛his’ et ‛ab his Vulcanalibus’. Similiter ‛Floralia’, ‛Quinquatria’.* 19 II 309, 7–18.
7.25 Accusativus pluralis secundae declinationis fit addita s ab ablativo singulari. 20 311, 7–10.
TERTIA DECLINATIO 21
7.26 (1) Quot terminationes habet nominativus tertiae declinationis? Septuaginta octo vel
paulo plures. Quae sunt hae? In a correptam, ut ‛poema’. In e correptam, ut ‛monile’. In o
correptam, ut ‛leo’, quam terminationem frequenter producunt poetae, ut ‛Sappho’, ‛Dido’. (2)
In al correptam, ut ‛Hannibal’, ‛sal’. In el correptam, ut ‛mel’. In el productam barbara, ut
‛Daniel’. In il correptam et in ol productam, ut ‛pugil’, ‛sol’. In ul brevem, ut ‛consul’. In an
productam Graeca, ut ‛Paean’. In en correptam, ut ‛flumen’. In en productam: ‛lien’, ‛Siren’.
In in et in on productam Graeca, ut ‛Trachin’, ‛Sidon’. (3) In ar correptam, ut ‛Caesar’. In ar
productam, ut ‛par’ et cetera monosyllaba vel ex monosyllabis. In er correptam, ut ‛pater’. In
er productam Graeca, ut ‛aer’ et unum Latinum: ‛ver’. In ir unum: ‛Gaddir’. In or et in ur
correptam, ut ‛orator’, ‛turtur’, excipitur ‛fur’. (4) In as productam Latina et Graeca, ut
‛civitas’, ‛Atlas’. In as correptam Graeca, ut ‛Arcas’. In es correptam Latina, ut ‛seges’. In es
productam Latina et Graeca, ut ‛caedes’, ‛Chremes’. In is correptam Latina et Graeca, ut
‛collis’, ‛Thetis’. In is productam Latina et Graeca: ‛Dis’ proprium et appellativum ‛Aris’. In
os productam, ut ‛dos’, praeter ‛os ossis’. In us correptam, ut ‛lepus’, productam, ut ‛virtus’. In
ys, ut ‛Capys’. In aes, ut ‛praes’. In aus, ut ‛laus’. In ans, ut ‛dodrans’. (5) In ens, ut ‛mens’. In
ons, ut ‛mons’, ‛insons’, quod solum corripit o ante ns. In uns, ut ‛Arruns’. In yns unum
Graecum femininum ‛Tiryns’. In ars, ut ‛Mars’, ‛ars artis’. In ers, ut ‛hic’ et ‛haec’ et ‛hoc
iners’. In ors, ut ‛sors’, quod etiam ‛haec sortis’ a PLAUTO dictum est. In urs, ut ‛Tiburs’. In
uls, ut ‛puls’. In ems unum femininum: ‛hiems’. (6) In abs, ut ‛trabs’. In ebs correptam, ut
‛caelebs’, productam, ut ‛plebs’, quod et ‛plebes’ dicitur. In obs productam, ut ‛scobs’,
‛scrobs’. PROBUS tamen ‛haec scrobis’ dixit, PLAUTUS masculinum protulit. In ybs unum
masculinum: ‛chalybs’. In urbs unum femininum: ‛haec urbs’. In aps unum femininum:
‛daps’, cuius nominativus raro est in usu. (7) In eps, ut ‛manceps’. In ops unum Latinum
femininum: ‛haec Ops’, nomen matris deorum et copiae, cuius nominativus raro est in usu,
quamvis vetustissimi ‛hic’ et ‛haec’ et ‛hoc ops’, ‛cops’, pro ‛opulentus’ et ‛copiosus’
protulerunt, etiam Graeca, ut ‛hic Pelops’. In yps Graeca, ut ‛Cinyps’. In irps Latinum unum:
‛stirps’. (8) In ax correptam Latina et Graeca, ut ‛fax’, hic ‛abax’, quod et ‛abacus’ dicitur. In
ax productam Graeca et Latina, ut ‛Phaeax’, ‛pax’. In ex correptam, ut ‛ilex’, productam, ut
‛rex’. In ix correptam, ut ‛pix’, productam: ‛haec Phoenix’. In ox correptam, ut ‛nox’,
productam, ut ‛vox’. In ux correptam, ut ‛nux’, productam, ut ‛Volux’. In yx Graeca, ut ‛Styx’.
(9) In aex, ut ‛faex’. In aux unum femininum: ‛faux’. In alx unum femininum: ‛falx’. In anx
unum femininum: ‛lanx’. In unx, ut ‛coniunx’. In arx unum femininum, ut ‛arx’. In ac unum
19 * Rimatur acute Macrobius, Saturnali. li. I. cap. 4. A comm.
20 addita s ablativo B
21 Tit. Declinatio tertia A
151