Maila Aurreratuko Kurrikulua (B2.1 eta B2.2)

2. DISKURTSOA
Kohesioa:
Gaiarekin jarraitzeko baliabideak.
- Korreferentziazko prozedura gramatikalak: izenordainak, erakusleak, posesiboak, adberbioak eta
balio anaforikoa edo kataforikoa duten esamoldeak (horixe bera, orduan, bertan, ordu eta toki
berean…).
- Posesiboen eta erakusleen balio anaforikoa (bere garaian, urte hartantxe).
- Prozedura lexikoak: sinonimoak (gizon zaharra, agurea), hiperonimoak eta hiponimoak (zulagailu,
daratulu / tresna), definizioan sartutako terminoetako baten bidez (agintari, buruzagi,
presidente…), eta nominalizazioak (zortzietan aterako dira, zortzietan izango da irteera).
- Erreferentziak anbiguotasunik sortzen ez duen testuinguruetan sintagma-nukleoaren elipsia: (Hamar
pisu begiratu ditugu gutxienez asteburuan, baina alferrik: batzuk garestiegiak zirela, eta
merkeagoak… zulo zikin hutsak. Hi, txo, noiz eman behar didak diskoa atzera? Bai, Brubeckena!)
- Aurrez aipatu diren sintagmetan, zehaztugabearen ordez zehaztua jartzea (Bi gizon sartu ziren;
denok itzuli ginen gizonengana).
Aditzaren koherentzia
- Diskurtsoko erlazioetan denboraren koherentziari eustea: denborak aurrera egitea, ekitaldiak bata
bestearen gainetik jartzea eta atzera jotzea. Aditz-denboren balioak aldatzea: orainaldia lehenaldiaren
ordez informazioa eguneratzeko, geroaldia eta ustea adierazten duen geroaldia (Honez gero jakingo
duzu; Barkatu, honez gero jakingo zenuelakoan esan dut); lehenaldia orainaldiaren ordez, kortesia
adierazteko (Egunon, praka batzuk erosi nahi nituen).
- Informazioa emateko eta transmititzeko prozedurak: denbora-komunztadura zehar-estiloan eta
denbora-egoeraren aldaketa; hau da, denbora-egoera aldatu egingo da, ezaugarri batzuen arabera:
informazioa jada egungoa ez izatea (Atzo joango zela esan zuen) edo eguneratu nahi izatea (Bihar
joango dela esan zuen), eta informazioa transmititzea edo eragin bat izatea (Bazetorrela esan zuen /
Etor zedila esan zuen). Horrez gain, aipuak egiteko esamoldeen erabilera landuko da (Antza denez,
diotenez, izen-multzoa + -(r)en arabera).
Lokailuak
- Gehitzekoak (gainera, baita), kontrako argudioa ematen dutenak (hala ere, ordea...),
justifikaziozkoak (izan ere, hain zuzen ere...), ondoriozkoak (hala bada, beraz), eta kausazkoak
(zeren).
Antolakuntza
Ahozko testuetako edo testu idatzietako elementuak (ez komunikazio-kanal edo genero bakar bati
espezifikoki dagozkionak).
- Testu- eta erregistro-motaren araberako adierazgailuak:
Hasierakoak: agurtzeko (Jaunak; Izeko maitea; Aspaldiko!; Iepa!; Kaixo!), aurkezteko (X naiz; X
dut izena, eta zuk?; ezagutzen duzu X? begira, hau x da), gaiaren sarrera egiteko (jaun-andreok,
lagunok, bazen behin, ezer baino lehen...), eta beste gai bati sarrera egiteko (bide batez; aizu eta…,
hortaz ari garela)
Egituratzaileak: gaiarekin hasteko (hasteko; lehenik eta behin), testuari jarraipena emateko (era
berean; modu beretsuan; bestalde…) gaiarekin amaitzeko (bukatzeko, laburbilduz...), azalpenak
emateko (tamalez; jakina denez...) eta digresioa eragiteko (bestela ere, harira ez badator ere…).
Birformulatzaileak: azalpenezkoak (hau da, hortaz, bestela esanda...), zuzentzaileak (hobeto
esanda, zehatz esateko,...), urruntzekoak (dena dela,...) eta laburbiltzekoak (beraz, guztira...).
- Puntuazioa eta paragrafoak. Puntuazio-zeinuek diskurtso-adierazgailutzat duten erabilerari arreta
jarriko zaio, zeinuen diskurtso-esanahiari, bereziki; puntuazio-zeinuak: puntua, puntu eta koma, etenpuntuak,
galdera-ikurrak, harridura-ikurrak, parentesiak, gidoiak eta marrak. Diskurtsoko paragrafoen
eta gaien arteko korrespondentzia.
53
CURRÍCULO HEOI
NIVEL AVANZADO
MAILA AURRERATUA