Maila Aurreratuko Kurrikulua (B2.1 eta B2.2)

estalde(an), haratago; inesiboarekin (non): zehar, gaindi, gora, behera, barrena; eta
ablatiboarekin (nondik): kanpo, at, landa. Aditz-lokuzioak: begira, bila, eske, zain, so eta jabe.
- Erabileran zailtasunak sortzen dituztenak behin eta berriz lantzea.
2. DISKURTSOA
Kohesioa:
Gaiarekin jarraitzeko baliabideak.
Korreferentziazko prozedura gramatikalak: izenordainak, erakusleak, posesiboak, adberbioak eta
balio anaforikoa edo kataforikoa duten esamoldeak: kontua da, artean, zera… (Horixe bera esan
diot nik ere. / Orain dela ia bost urte, artean ezkongabe ginela, izan genuen istripua. / Zerak
kezkatzen nau: biok batera lanik gabe geratzeak).
Posesiboen eta erakusleen balio anaforikoa, forma neutroan eta indartuan (bere garaian, urte
hartantxe… Haren besoetatik hartu eta bere altzoan ipini zuen haurra).
- Aurrez aipatu diren sintagmetan, zehaztugabearen ordez zehaztua jartzea (Bi gizon sartu ziren;
denok itzuli ginen gizonengana).
- Prozedura lexikoak: sinonimoak (gizon zaharra, agurea), hiperonimoak eta hiponimoak (zulagailu,
daratulu / tresna), definizioan sartutako terminoetako baten bidez (agintari, buruzagi, presidente…),
eta nominalizazioak (Zortzietan aterako dira, zortzietan izango da irteera).
Proforma lexikoak: auzia, kontua, gaia (Nirekin hitz egin behar omen zuen lehenbailehen baina gero
ahaztu egin zitzaion kontua). Erreferentziak egiteko esamoldeak: aipatu, berau… (Arriagaren
urteurrena dela-eta, beronen musika izango da gaur entzungai aipatu musikariaren izena duen
antzokian).
- Erreferentziak anbiguotasunik sortzen ez duen testuinguruetan sintagma-nukleoaren elipsia (Hamar
pisu begiratu ditugu gutxienez asteburuan, baina alferrik: batzuk garestiegiak zirela, eta
merkeagoak… zulo zikin hutsak. / Hi, txo, noiz eman behar didak diskoa atzera? Bai, Brubeckena!)
Bigarren elementuaren elipsia sintagma koordinatuetan, erreferentzia zehatza ez izan arren behar
bestekoa denean (Izaskunek eta erregalatu zidaten; Bulegoko arduradunarekin edo hitz egin beharko
duzu).
Aditzaren koherentzia
- Diskurtsoko erlazioetan denboraren koherentziari eustea: denborak aurrera egitea, ekitaldiak bata
bestearen gainetik jartzea eta atzera jotzea. Aditz-denboren balioak aldatzea: orainaldia lehenaldiaren
ordez informazioa eguneratzeko, geroaldia eta ustea adierazten duen geroaldia (Honez gero jakingo
duzu; Barkatu, honez gero jakingo zenuelakoan esan dut); lehenaldia orainaldiaren ordez, kortesia
adierazteko (Egunon, praka batzuk erosi nahi nituen).
- Informazioa emateko eta transmititzeko prozedurak: denbora-komunztadura zehar-estiloan eta
denbora-egoeraren aldaketa; hau da, denbora-egoera aldatu egingo da, ezaugarri batzuen arabera:
informazioa jada egungoa izatea (Atzo joango zela esan zuen) edo eguneratu nahi izatea, eta
informazioa transmititzea edo eragin bat izatea. Aipuak egiteko esamoldeen erabilera.
Aipamenak egiteko eta informazioa transmititzeko prozedura gehiago lantzea: sarrera-aditza duten
edo ez duten aipuak (Jonekin hitz egin dut: ez dakiela etortzerik izango duen, ezin duela, lanpetua
dabilela... betikoa).
Aditz-denboren eta -moduen korrelazioak aipuetan, igorlearen asmoaren arabera; hau da,
informazioaren egiazkotasunarekin konpromisoa hartuz edo horrekiko konpromisorik hartu gabe
(Bere kotxean zoazela dio / bere kotxean joan zaitezela dio; gasolioa garestitu egingo zela zioen /
gasolioa garestituko dela zioen / gasolioa neguan beti garestitu ohi dela zioen).
Mezu errepikatuak transmititzea (Bateko joan behar nuela, besteko nire zain zeudela denak..., ezin
ezetzik esan!).
-
Lokailuak:
64
CURRÍCULO HEOI
NIVEL AVANZADO
MAILA AURRERATUA