CATULLUS 68 - Scuola Normale Superiore

CATULLI CARMEN LXVIIIA
Quod mihi fortuna casuque oppressus acerbo
conscriptum hoc lacrimis mittis epistolium,
naufragum ut eiectum spumantibus aequoris undis
subleuem et a mortis limine restituam,
quem neque sancta Venus molli requiescere somno 5
desertum in lecto caelibe perpetitur,
nec ueterum dulci scriptorum carmine Musae
oblectant, cum mens anxia peruigilat –
id gratum est mihi, me quoniam tibi dicis amicum,
muneraque et Musarum hinc petis et Veneris. 10
sed tibi ne mea sint ignota incommoda, Manli,
neu me odisse putes hospitis officium,
accipe, quis merser fortunae fluctibus ipse,
ne amplius a misero dona beata petas.
tempore quo primum uestis mihi tradita pura est, 15
iucundum cum aetas florida uer ageret,
multa satis lusi: non est dea nescia nostri,
quae dulcem curis miscet amaritiem.
sed totum hoc studium luctu fraterna mihi mors
abstulit. o misero frater adempte mihi! 20
tu mea, tu moriens fregisti commoda, frater,
tecum una tota est nostra sepulta domus,
omnia tecum una perierunt gaudia nostra,
quae tuus in uita dulcis alebat amor.
cuius ego interitu tota de mente fugaui 25
haec studia atque omnes delicias animi.
quare, quod scribis Veronae turpe Catullo
esse, quod hic quisquis de meliore nota
Super carmen Ad Mallium R 2 mG 2 : uersus uacuus in O 1 Quo O 2 conspersum Cl. Schrader: constrictum
Baehrens hoc X: hec O: om. Muretus mittis O: mittit G: mictit R: -tt- R 2 epistolion Trappes-Lomax 3 naufragum
12 31 50 ζη: naufragium A: naufragi N. Heinsius 6 disertum G peruigilet 48 52 7 uet r m O 8 cui Statius 9
ducis 52 7 1 10 petit G 11 incommoda 117 59 84 γ: commoda OG : comoda R manli 40 31: mali A: al. mauli R 2 :
malli αβ: Mani Lachmann: mi Alli Diels: amice Schöll 12 seu G sospitis Cl. Schrader 16 hunc uersum post u. 49
iterauit A : hinc om. O 17 luxi R : corr. R 2 Musis Hermes 18 amaritiem R: amaritonem O: amariritiem G (corr.
ipse) 20 abscidit 52 o misero m: om- A: ei m- Baehrens 21-24 post 62.8 transp. Froehlich: post 101.6 transp. A.
Weise: del. Bernhardius 21 commoda Gm: comoda OR 24 in uita α: inuita A 26 omnem O delitias R 27-30
del. Landor 27 uetone O: corr., ut uid., O 1 catullo 31 ζ: catulle A: Catullo est Froehlich 28 quod hic A: quoad
Froehlich quisquis A: quisq3 69 117: quisquam Muretus: quiuis Lachmann nota Perreius
85