MaquetaciÛn 1 - Crónicas de la Emigración

120 Mulleres da emigración
E así pasaron eses dous anos, -lembra Carmen- indo a velo
dúas veces por semana, con chuvia ou con sol.... Miguel estivo
preso ata o 73, cando veu Campora e deron a amnistía.
Cando Miguel sale do cárcere, reincorpórano ao traballo e
retorna á súa vida cotiá. Entón tamén volve á facultade. Aos
poucos meses de saír en liberdade forma parella con Susana,
unha rapaza da Provincia de Córdoba e vai vivir ao Municipio
de Moreno. O PRT, a pesar de que se restablecera a democracia,
decide continuar na ilegalidad. O 19 de agosto de 1974
participa nunha actividade propagandística e é detido novamente.
Lévano á comisaría do seu barrio e de alí a San Martín,
ata que o envían novamente ao cárcere de Devoto. Miguel
Ángel foi posto a disposición do Poder Executivo. Tíñanos
presos sen xuízo nin condena. Carmen comezou de novo a súa
peregrinaxe ao cárcere, novamente a organizar a solidariedade
cos presos. Despois da detención, exactamente o 5 de setembro,
nace seu fillo Nicolás. O 2 de outubro de 1975 logra saír
da Arxentina e marcha expulsado a Perú. Durante aquel ano a
represión organizada por "as Tres A" multiplícase. Os secuestros
e asesinatos contra militantes da esquerda pasan a ser nova
diaria. O goberno de Isabel cada vez estaba máis illado e utilizaba
o terrorismo de estado como método de acción política.
En xaneiro de 1976, a policía realiza un operativo na casa de
Carmen e é levada detida xunto á súa nora:
A nosoutras tivéronnos catro días en Coordinación, tiradas nun
calabozo, cunha luz aí todo o día, coa mesma roupa todos eses días.
Carmen e Beatriz con Xan Carballa e Anxo en A Nosa Terra