MaquetaciÛn 1 - Crónicas de la Emigración

AMPARO ALVAJAR
Filla dun destacado republicano, Amparo viviu primeiro a disgregación
da súa familia e despois a guerra e a persecución.
En Bos Aires e París viviu o seu amor ao teatro, antes de se
xubilar na localidade fronteiriza de Monsao.
María do Amparo Alvajar López naceu, segundo consta na súa
partida de nacemento, na cidade da Coruña, o 11 de agosto de
1916. Foron seus pais César Alvajar Diéguez e Amparo López
Jeán. A familia Alvajar gozou de gran prestixio na cidade pola
súa longa tradición republicana progresista. César Alvajar foi
presidente do Casino Republicano, mentres que a súa nai foi
membro das Irmandades da Fala, presidiu a Agrupación
Republicana Feminina e foi afiliada do Partido Galeguista.
Amparo será a primeira filla deste matrimonio. Logo nacerán
Javier, María Teresa e Ana María.
A filla maior dos Alvajar era unha adolescente que tiña o corpo
estilizado e de faccións moi fermosas. Seu pai, para que puidese
ir bailar ao Club Náutico, afiliouna a ela e máis ao seu irmán
Javier, co obxectivo de que este lle fixera compaña. En agosto
de 1917 seu pai pasou unha tempada preso no castelo de San
Antón. Javier, nas súas memorias, lembrará as visitas que a súa
irmá lle realizaba ao seu pai:
Miña irmá Amparo, a maior, recordaba ao botero que viña tódolos
días a recoller a comida para meu pai e o que invariablemente
repetía: "señora, o preso está ben e espera regresar axiña a casa.
Como era común naqueles anos, os Alvajar estaban intimamente
vinculados á masonería liberal daqueles tempos. Tanto César
Alvajar coma seu fillo Javier tiveron unha longa actuación nesta
vella institución do libre pensamento. O 21 de agosto de 1932,
César Alvajar funda a agrupación 'A Terceira República' e realiza
un mitin no Teatro Rosalía de Castro. Alvajar tiña unha concepción
política localista. Realizou distintas campañas en pro da
Mulleres da emigración
17