MaquetaciÛn 1 - Crónicas de la Emigración

Fotografía dos pais e irmáns da actriz Josefa Goldar.
168 Mulleres da emigración
Daquel matrimonio nacerá a idea de crear en 1930 o emblemático
Teatro do Pobo, o cal se converte nun baluarte da arte
popular. Un ano despois inaugurábase o teatro coa presenza do
poeta Roberto Arlt.
“Eu fórmeime de grande” -cóntanos Josefa. “Entrei no teatro
cunha gran seguridade. Coñecín a Barletta, o meu valoroso
compañeiro en todos os meus éxitos.. Na miña familia houbo
certa oposición ao meu matrimonio. Pero o destino tiña que
unirnos para realizar tan magnífico labor...”.
Josefa foi unha das figuras máis destacadas do teatro independente.
Tamén fixo incursións no cinema. O Teatro do Pobo durante
varias décadas converteuse nun espazo cultural alternativo e creador.
Durante esta etapa Josefa coñeceu a Castelao, quen de cando
en vez visitaba o teatro xunto a Virginia, a súa muller. O compañeiro
de Josefa, Leónidas Barletta, era un intelectual moi respectado,
as súas posicións de esquerda eran inclaudicábeis. Non soamente
se dedicaría ao teatro, senón que tamén durante moitos
anos editou un xornal independente chamado Propósitos.
Por aqueles anos moitos foron os galegos que triunfaban en
teatro arxentino, entre os que podemos citar a Enrique Muiño,
Perico Lusiardo, Pepe Arias, Tacholas, Amparo Alvajar ou descendentes
como Santiago Gómez Cou, Libertad Lamarque,
Eva Franco, Medina Castro, etc.
Lembro que sendo aínda un adolescente con moitos desexos de
formarme politicamente descubrira este xornal semanal de
gran formato e de poucas páxinas, pero co contido que eu
andaba buscando. Anos máis tarde cos meus compañeiros de
militancia -tiña tan só 18 anos-, fun por primeira vez ao teatro.