MaquetaciÛn 1 - Crónicas de la Emigración

domésticos. Outras terminaban traballando de prostitutas en
bordeis das grandes capitais americanas. Na maioría dos casos
eran explotadas polos seus propios paisanos.
En Cuba máis de 60.000 galegas asentáronse nesta illa caribeña.
Fundaron a asociación Fillas de Galicia e o hospital de
igual nome, que aínda brinda servizos na Habana. O historiador
cubano Xulio César González Pagés, autor do libro
Emigración de mulleres galegas a Cuba: As Fillas de Galicia
cóntanos a situación destas emigrantes: A asociación xurdiu
como unha irmandade ao redor da prostitución. A idea era dar
asistencia a moitas daquelas mulleres que non eran recibidas
nos hospitais e morrían de sífilis en casas de acollida.
Na Arxentina nas primeiras décadas do século XX, cando o
tango facía furor en Bos Aires, a oligarquía deste país presumía
de persoal doméstico galego contratando a mozas recén chegadas.
Tiñan fama de honradas e traballadoras. Tamén como en
Cuba algunhas delas terminaban traballando en prostíbulos. Co
desenvolvemento económico deste país, moitas emigrantes
galegas fóronse integrando na industria téxtil, na sanidade, etc.
Dadas as características da nosa emigración, unha gran maioría
das nosas mulleres dedicáronse a atender ás súas propias familias,
atrasando a súa plena integración socio-laboral.
A partir da Guerra Civil chegan aos países latinoamericanos
centenares de exiliadas, en moitos casos xunto ás súas familias.
Entre as máis destacadas podemos nomear a: Placeres
Castellanos, Maruja Mallo, Amparo Alvajar, Virxinia Pereira,
Rosina Otero, Carmen Muñoz, Elisa e Mireya Dieste, María
Miramontes, Elena Olmos, María Vitoria Valenzuela, María
Elvira Fernández López (coñecida como Maruxa Seoane),
Isabel Ríos, Eduarda, Isabel e Inocencia Echegaray na
Arxentina; Manuela Somoza, en Uruguai; en Cuba, Soledad
Figueral, Dora Darcaño e María Araújo; en México, Luisa
Viqueira (secretaria da delegación de México do Consello de
Galiza), Syra Alonso e Ascensión Concheiro García,
"Choncha"; en Venezuela, María Teresa Cuenca de Tejero,
Pura Vázquez e Concha Nogueira; Joaquina Dorado, Mercedes
Núñez, Amparo López Jean, en Francia, etc.
Tamén foron moitas as mulleres que se destacaron no mundo cultural,
como María Casares (Francia), Maruja Villanueva
(Arxentina), Aurora Pita (Cuba) e Josefa Goldar (Arxentina) no
teatro, María Valverde na lírica (Uruguai) María Muñoz na música
(Cuba). Na literatura, Sofía Casanova (Polonia) e Virginia
Auber Noya (Cuba). No mundo do espectáculo, Carolina Otero
"A bela Otero" (Francia). Tamén fillas de galegos tiveron repercusión
internacional, entre elas podemos nomear a: Concepción
Mariño, patriota venezolana; as escritoras Nélida Piñón (Brasil),