MaquetaciÛn 1 - Crónicas de la Emigración

MARIA DEL CARMEN FIDALGO
María del Carmen Fidalgo Sánchez naceu na Cañiza na parroquia
de Petán, o 4 de novembro de 1948.
É filla e neta de emigrantes. O seu abo materno Ernesto
Sánchez Sánchez a comezos do século emigrara o Brasil,
cando tiña 11 anos. Despois de percorrer traballando ese longo
e ancho país, radicouse no Salvador onde instalou unha fabrica
de xabón e velas chamada "Progreso". Partir de alí comeza
unha nova etapa migratoria, para varias xeracións da súa propia
familia. Como era costume por aqueles tempos os emigrantes
voltaban á aldea para casarse. Ernesto aproveito unha viaxe
que realizou para recuperarse
dunha enfermidade pulmonar para casarse con Rita
Domínguez Sánchez.
María del Carmen é filla de Francisco Fidalgo Pérez e de
Amalia Sánchez Domínguez. Primeiro será o seu pai Francisco
o que marcha Salvador en 1951, alí tiña parte da familia da súa
muller. Logo será María del Carmen xunto coa súa nai, o 20
de agosto de 1954. Como sempre será o porto de Vigo o encargado
de dar a máis triste despedida. Aquela viaxe lémbranos
María del Carmen estaba cheo de incertezas. Era tan só unha
nena, que axiña deixou de xogar coas monecas e a subiron a
un barco. Onde había un gran mar que nunca mirara. E xentes
que falaban en outros idiomas. Aos poucos días, o 3 de setembro,
chegaban no Alcántara á Bahia de todos los Santos. Onde
todo estaba marcado polo entroido e o candomble, onde todo,
todo hule a vida e a cachaza sen tempo.
" O meu pai foi o primeiro en emigrar. - cóntanos María del
Carmen - Por aqueles anos estilábase que o marido marchara
á emigración mentres a muller quedábase na aldea, neste
caso era para coidar a miña aboa. O meu pai esta idea non lle
gustaba, aínda o meu abo materno, tentaba manter esta tradición
e impoñía o seu criterio. Ante esta situación o meu pai
Mulleres da emigración
143