MaquetaciÛn 1 - Crónicas de la Emigración

zonas do litoral. En 1921 a empresa de Aurea é a maior
exportadora de plátano de todo Santos.
Santos era unha cidade puxante. Convertérase no porto
máis importante do Brasil. O xornalista español Núñez
Acra escribe as súas impresións da cidade no xornal santista
A Tribuna, o 25 de marzo de 1925:
"Son rúas rectilíneas, anchas, de cidade moderna que é,
interminables, prolongándose ata a praia, xa fóra do
porto. A construción é pobre. Predominan as casas de
planta baixa, coma se houbese présa en construílas para
acubillarse axiña, esperando nas súas postas cheas de
mostras o paso do progreso que lle diga aos seus habitantes:
- non estades dacordo coa miña vertixinosa marcha
mais imporéivo-los rañaceos.
Santos tiña hai quince anos a penas vinte mil habitantes,
¡e hoxe posúe máis de douscentos mil! É o primeiro porto
de Brasil, e está xustificado. A súa poboación flutuante é incalculable.
Tódolos grandes e pequenos transatlánticos que fan a
carreira ao Prata tocan aquí, o mesmo os cargueiros e veleiros
que en profusión enchen o seu amplo e gorecido porto. As rúas
de Santos e os seus fermosos xardíns vense repletos da figura
máis exótica da fauna humana, e claro está que todo este inmenso
movemento, que fará de Santos un emporio colosal de incalculable
grandiosidade, reflíctese na súa vida diaria, dándolle un
movemento e balbordo que o mesmo São Paulo non ten."
En 1924 contrae matrimonio en segundas nupcias con Severo
Conde e Conde, tamén produtor de plátanos. En 1938 morreu
Severo Conde e Conde, pasando a empresa a chamarse Aurea
González Conde. Por aqueles anos amplía a plantación nas
terras de Río Branco, en Itanhaem. Xa na década do 40 era a
maior exportadora de plátanos de todo o Brasil. En 1947 integrouse
na empresa de Navegación Luciano Castro e Cía. Ltda.
En 1950 a empresa realiza viaxes de cabotaxe baixo o nome de
buques "Luciano Castro" e "Aurea Conde". A navieira realizaba
viaxes a Arxentina e Uruguai.
Outros dos españois que sobresaíron no cultivo e a industrialización
do plátano foron os leoneses Félix e Mateus Flores, que
en 1904 fundaron a empresa "Flores e irmáns" para logo cambiar
o nome da fábrica polo de "A Leonesa" Foi unha acreditada
e famosa casa especializada na conserva de plátanos, creadora
dun produto superiormente dixestivo e agradable ao
"marrón-glasé", a "banana-marrón-glasé", de grande aceptación
nos países do Río da Prata.
Aurea e a súa familia tiñan un palacete onde vivían, que quedaba
entre as Avenidas Ana Costa e Galeão Carvalhal, no
famoso barrio do Gonzaga, en Santos.
Seu primeiro esposo
Luciano Castro.
Mulleres da emigración
65