MaquetaciÛn 1 - Crónicas de la Emigración

208
Mulleres da emigración
mozos que nós forxaramos durante a resistencia na mocidade
peronista e os compañeiros do movemento obreiro que loitaban
contra a burocracia sindical. A nosa loita estaba alentada
polo propio xeneral Perón. Queriamos traer ao xeneral e constituír
un proceso de liberación nacional. Nós estabamos moi
influenciados pola revolución alxeriana e cubana. Era un
momento moi importante no mundo, a loita do Vietnam, etc.
Entre algúns dos fundadores da FAP estaba tamén Raimundo
Villaflor con quen anos despois formou parella Lucía.
Nós pensabamos que tiñamos que combinar a loita armada no
campo coa loita de masas na cidade, así foi que cando comezamos
a organizar en 1968 a nosa base guerrilleira en Taco
Ralo Tucuman. Fomos descubertos e detidos.
Durante os anos de prisión Elsa e Raimundo xogan un papel moi
importante na dirección da FAP; neses anos a influencia marxista
de Lucía vai desperonizando a organización converténdoa
nunha estructura ríxida, militarista, de pleno corte leninista.
Lembro que ao saír de Devoto ese mesmo día atopeime con
Lucía, aí souben que formara parella con Raimundo, un compañeiro
moi destacado do movemento peronista.
Coa nosa saída do cárcere e co triunfo do peronismo comezaba
un forte debate interno que remataría cunha división da
FAP; por unha banda, a corrente peronista que conformamos a
FAP 17 de outubro e o sector máis ideoloxizado encabezado
por Lucía, Raimundo Villaflor, etc.”
Elsa que nunca estivera moi convencida do peronismo foise
decantando por unha política máis frontal contra a dereita do
Xusticialismo, ela desconfiaba das intencións do goberno de
Perón. Co aberto enfrontamento cos sectores reaccionarios do
peronismo e o posterior golpe de estado de Videla, o sector que
lideraba Elsa rematará fusionándose dentro do Exército
Revolucionario do Pobo.
A sistemática represión e persecución pola parte dos militares
comeza a dezmar as organizacións revolucionarias. Milleiros
de secuestros e asasinatos acabaron con estas organizacións e
exterminaron aos seus militantes. Elsa e o seu compañeiro
Raimundo Villaflor, que vivían na zona de Sarandí, constituíran
un fogar humilde e tiñan dúas fillas, Elsita e Laura.
Raimundo era un destacado militante metalúrxico da Zona de
Avellaneda. Os Villaflor gozaban de grande prestixio nas organizacións
revolucionarias daquel tempo. Era xente con tradición
peronista e con grande sentido de clase. Xunto a Elsa participan
da fundación das Forzas Armadas Peronistas converténdose
no sector marxista da organización. As FAP durante os
primeiros anos do 70 realizan un importante traballo no move-