MaquetaciÛn 1 - Crónicas de la Emigración

A nena Libertad experimentou o recoñecemento público
durante os bailes de entroido, nos que foi premiada polos
seus disfraces. O aplauso impulsou á rapaza a memorizar
cancións de moda e convertiuse en cancionista das representacións
do entroido. Tamén comezou a cantar en funcións
organizadas en beneficio de obreiros en folga.
En Rosario, como consecuencia dunha folga de panadeiros,
don Gaudencio decide cooperar na organización dun festival
para recaudar fondos, e no Cine "Pampero" Libertad
Lamarque nena constituirase nun dos números fortes do
espectáculo. O público ovacionábaa enfervorizado.
Seguiu actuando en grupos de aficionados. Cando era
só unha moza foi vista polo actor, director e empresario
José Constanzo, que lle propuso integrar un grupo de
teatro que el dirixía para facer unha xira por Bos Aires
e o interior da provincia de Santa Fe. Con 14 anos debuta
con esa compañía en Coronel Suárez, onde cantou
unha canción cun éxito espectacular. En 1923, o empresario
do Teatro Nacional de Bos Aires ofrécelle un ano
de contrato para que traballe alí. Debuta nese teatro con
"O dono do pobo" e queda durante 3 anos, interpretando
diversas obras. Estando nun ensaio, unha tarde achégase
Gerardo Matos Rodríguez para que lle estree un
tango, "Mocosita", que tivo un impresionante éxito.
Gravou o seu primeiro disco en 1926:
¨Intimas e Déixao¨. Seguiu gravando discos
para a empresa Víctor.
Aos 19 anos coñece a un apuntador da
compañía do "Nacional" e, a pesar da opinión
contraria dos seus pais, casa con
Emilio Romero, que é o pai da súa filla
Mirtha. Esa relación axiña se desgastaría,
iniciándose un camiño cara á separación.
Na súa carreira como cantante gravou case
800 temas. Interpretou cancións de Carlos
Gardel, Mariano Mores, Agustín Lara,
Armando Manzanero, Ernesto Lecuona etc.
En 1936 co inicio da guerra civil en
España, Libertad toma posición activa en
solidariedade coa Segunda República,
mesmo canta en varios actos realizados no
Estadio Lunha Park de Bos Aires.
Na súa longa traxectoria como actriz protagonizou
61 películas. Nunha delas sucedeu
o famoso desencontro con Eva Perón
durante os anos corenta.
Mulleres da emigración
Libertad de moza.
Libertad xunto ao seu pai.
179