MaquetaciÛn 1 - Crónicas de la Emigración

ELSA MARTÍNEZ MESEJO
María Elsa Martínez Mesejo naceu en Couso-Gondomar o 8
de outubro de 1945. A súa nai Ascensión Martínez Mesejo
era unha moza labrega que tivo de solteira á súa filla. O pai
de María Elsa era campesiño tamén mais el non quere asumir
a paternidade da súa filla. Mentres Ascensión, coa axuda
das súas irmás e na máis absoluta discreción como se non
pasase nada, afronta a responsabilidade de criar a súa filla.
María Elsa nace e medra nunha aldea dun concello onde os
seus habitantes pouco a pouco ían partindo cara á emigración.
Montevideo era o lugar elixido polos veciños do Val
Miñor. Ascensión, quen xa tiña familia directa en Uruguai,
decide seguir o camiño dos seus veciños.
Unha tarde chuviosa, melancólica tal vez, desde o porto de Vigo
partiron ambas as mulleres rumbo á “Suiza” americana. En
Montevideo xa estaban as súas irmás que en pouco tempo lograran
unha posición cómoda no ramo da hostalería. Ascención
colocouse na empresa familiar mentres Elsita, que era moi
pequena, acompañaba á súa nai nos traballos do hotel. Ascensión
coñeceu a Ricardo Garreiro Balea, tamén galego, e no 1948 decidiu
casar. Para Elsita o compañeiro da súa nai pasaría a ser o seu
verdadeiro pai e ela seria recoñecida como Garreiro Martínez.
Rosa Deus, familiar de Elsa lembra algunhas pasaxes da súa
vida en Montevideo:
“Lémbroa miúda e fraquiña, de xenio vivo e non especialmente
alegre. Sei que as condicións dos seus pais para sacala
adiante foron duras, como a maioría da xente da emigración;
nembargante era brillante nos seus estudios e, polo que me
contaron, apaixonada polos seus ideais”.
Uruguai gozou durante décadas de certa estabilidade económica
e benestar. Como así tamén foi o único país que por aquela
época non sufrira golpes de estado.
Mulleres da emigración
205