Deel 4 - Nuweopenbaring::: Welkom by Die Nuwe Openbaring

waarheid ooreenstem nie. Die lig van die liefde in hom laat hom dan ook
nie meer alles sonder bedenking aanneem wat hom aangebied word nie,
maar noodsaak hom tot ondersoek waar die liefde die goddelike
grondbeginsel is en nooit dwaling of leuen naas homself kan duld nie.
Dan begin daar ook ‘n lewendige verlange na waarheid te groei, waardeur
die waarheid ook na die mens toe gelei word. Want wie die waarheid
begeer, die verlang ook na Myself, Ek Wie die ewige waarheid is. En aan
hom sal Ek My ook openbaar, dit wil sê, die waarheid op een of ander
manier aan hom laat toekom, sodat hy dit ook sonder bedenking sal
aanneem en verwerk.
Elkeen moet self na sy eie voltooiing strewe en is dan ook in staat daartoe,
want dit is waarlik voldoende om verbinding met My te soek deur ‘n gebed
in gees en waarheid, om met My hulp sy weg oor die aarde met goeie
gevolg af te lê. En die gebed sal verhoor word, hy sal steeds van binne uit
aangespoor word tot werke van liefde en daardeur sal hy ook tot die lig
kom en die weg gaan wat tot volmaaktheid lei. Amen
Die aanvalle van die teenstander in die eindtyd
8365 29 Desember 1962
Julle sal julleself nog dikwels moet waardig maak, want My teenstander sal
julle aanval waar dit maar moontlik is. Hy sal tweedrag saai en die mense
teen mekaar aanhits, hy sal alles doen om julle te verontrus en tot ‘n val te
bring. En steeds sal julle moet bid vir krag om sy versoekings te kan
weerstaan.
Daarom moet julle voortdurend julle toevlug tot My neem, voordat hy julle
kan aanval. Julle moet My daagliks en elke uur om beskerming teen hom
bid, omdat Ek dan aan julle sy kan staan en hom afweer. Dit sal ‘n swaar
stryd tot die einde toe teen hom wees, want hy sal julle nie sonder stryd
oorgee aan My nie, julle God en Vader van Ewigheid af. Maar Ek het ook
reg op julle en daarom hoef julle julleself maar net na My toe te wend, en
Ek sal altyd gereed staan vir julle, omdat Ek julle liefhet. En Ek wil die
vyand van julle siele verdring, sodat julle nie in versoeking sal kom nie.
Waar My teenstander ‘n geestelike strewe herken, is Hy besonder heftig
aan die werk en probeer hy om dit te verhinder. En daarom moet julle
julleself waardig maak en ernstig teen hom weerstand bied. Julle mag hom
geen aanvalspunte bied, deur julle te laat meesleep deur ongeduld, wrewel
of liefdeloosheid nie, want daarom word dit steeds moeiliker om van hom
los te kom, ofskoon Ek voortdurend bereid sal wees om te help. Maar julle
gedagtes sal daarom nie meer so gou die weg na My toe vind nie, en slegs
die innige verbinding met My, behoed julle teen sy aanvalle en versoekings.
En solank dit vir hom nog moontlik is om julle onrustig te maak, ongeduldig
en toornig te laat word, solank is julle nog swak en sal hy sy mag benut.
Daarom moet julle standvastig arbei aan julle siele en probeer om al julle
gebreke af te lê. Julle moet steeds alleen tot My bid om die nodige krag en
100