Deel 4 - Nuweopenbaring::: Welkom by Die Nuwe Openbaring

waartoe elke afsonderlike mens My ook sy diens kan aanbied. Julle sal My
leer liefhê en hierdie liefde sal julle salig maak, want dit lei tot die
uiteindelike vereniging met My tot die ewige lewe. Slegs die waarheid lei na
die doel en dit moet julle mense nastreef. Julle moet julleself innig aan My
oorgee en julle deur Myself laat leer en julle sal dan ook onderrig word deur
My, julle God en Vader, wat alles weet en julle daarom oor alles kan en wil
leer, omdat Hy julle bemin. Amen
Vrede aan hulle wat van goeie wil is
8704 20 Desember 1963
Vrede wou Ek bring aan die mense op aarde toe Ek Self neergedaal en op
die aarde gewandel het. En ook nou wil Ek diegene wat van goeie wil is
vrede bring. Want waarlik, wanneer hulle My binnelaat in hul hart, sal ook
‘n vrede die hart vervul wat Ek alleen hulle kan gee, want hulle sal My
aanwesigheid bemerk en hul gelukkig en veilig voel, hulle sal geen vyand
vrees wat van buite op hulle afkom nie, want hulle is op hoogte van My
Liefde en Mag wat al die onheil kan en sal afweer wat hulle bedreig.
Alleen in My sal julle die ware vrede vind, want as julle innig met My
verbind is, word julle ook bewus van die Vader Liefde en julle weet dat ‘n
vader sy kinders beskerm en met sorg omring en hulle nie in nood sal laat
kom nie. Ek wil julle die vrede van die siel bring, dat julle seker daarvan is
dat julle die ware weg gaan, wat weglei van My teenstander, van wie julle
wil ontsnap na My toe, julle God en Skepper, na Wie julle as kinders vlug,
dat My Vaderarms julle omhels en julle lei op die weg na bo.
Maar solank julle My nog nie gevind het nie, dwaal julle rusteloos verder,
julle ken nie ware vrede nie, want julle word innerlik nog te veel in die
noute gedryf deur My teenstander, wat julle nie laat rus nie, wat slegs
daarop bedag is om onrus, ongeduld en opwinding in julle teweeg te bring,
wat julle ophits en opjaag, wat julle in die aardse gewoel verplaas, sodat
julle geen innerlike vrede kan vind nie, omdat elke kontak dan ook met My
verhinder word en julle sonder My nie tot ‘n ware innerlike vrede sal kan
kom nie. Maar Ek kom omlaag na die aarde om vrede te bring aan hulle
wat van goeie wil is, want Ek versamel hulle om My heen en maak My aan
hulle bekend as Redder uit die diepste sielenood.
Slegs weiniges glo in My en My Missie, maar hierdie vind ook die vrede deur
My, hulle vind die weg na My, hul God en Skepper en gaan hierdie weg
bewus deurdat hulle My belei in Jesus en ook die genade van My
verlossingswerk aanneem, sodat hulle as verlostes weer in hul ewige
Vaderland kan ingaan na hul liggaamlike dood. Ek bring hul in waarheid die
vrede vir hul siele, wat ‘n eindelose lang stryd sedert hul afval deurstaan
het en dit eindig met ‘n sege oor die teenstander, omdat hulle hul bewus na
My wend en hulle deur My laat verlos deur My bloed, wat Ek aan die kruis
vir alle mense gestort het.
327