Deel 4 - Nuweopenbaring::: Welkom by Die Nuwe Openbaring

nie. Want dit is slegs nodig vir julle om op hoogte te wees van My
neerdaling na die aarde, van My Kruisweg en die Soenoffer vir julle, om vry
te raak van die groot oerskuld, om welke rede Ek die hele skepping laat
ontstaan het. En as julle nou hierdie verlossingsgedagte op aarde beskou
met alle innigheid, sal julle, julle weg na My in Jesus gaan, dan word die
groot oerskuld ook vir julle kwytgeskeld en My skeppingswerk sal julle ook
helder en duidelik voor oë staan. Wat nog vir julle as mens raaiselagtig is,
sal op ‘n heel wonderbaarlike wyse opgelos word. Ek verlang slegs julle
innige verbinding met My, om julle dan weer met die aanstraling van My
Liefde gelukkig te kan maak, wat ook algehele opheldering waarborg oor
alle vrae, al gaan dit nog so ver terug in die verlede. Want niks in My
skepping is sonder sin en doel nie. Julle kan egter nie altyd die sin en die
doel ken nie, in die besonder as dit gaan om skeppings wat vir julle
onbegryplik is, omdat julle nie hulle eintlike bestemming ken nie. Dat elke
skeppingswerk egter ‘n bepaalde bedoeling het, aangesien dit andersins nie
deur My geskape sou gewees het nie, moet vir julle ook duidelik wees.
Slegs van die taak van elke afsonderlike skeppingswerk, is julle nie op
hoogte nie, maar eens sal dit vir julle heeltemal duidelik wees.
Daarom, probeer allereers julle ware kennis oor die groot Werk van
Erbarming, wat Ek Self in die mens Jesus volbring het, julle eie te maak en
probeer julleself deelagtig te maak aan die barmhartigheidskat wat Ek as
die mens Jesus vir julle verwerf het. Julle sal dan verseker ‘n heelwat
dieper kykie mag neem in al die geheime wat My skepping nog vir julle in
homself berg, as wat julle deur suiwer kennis oor al My skeppings kan
verkry. Want slegs van julle oerskuld moet julle vry wees om alles dan ook
helder en duidelik te kan insien, om julle terugblikkend in al die skeppings
te kan verplaas, wat wel vir julle in ‘n toestand van volmaaktheid moontlik
is, dog slegs om julle insig in die bedoeling van elke uiterlike vorm te
verdiep.
En julle sal al die skeppings oorgelukkig aanskou wat julle behulpsaam was
om julle positiewe ontwikkeling te bevorder. En eens sal dit vir julle ook
duidelik wees dat elke skeppingswerk altyd net getuig van My oneindige
Liefde vir die gevalle geeste, omdat slegs Ek weet in welke uiterlike vorm
die siel tot volwassenheid kan kom. Eenmaal sal julle dit ook kan begryp en
daarom moet julle, julle bes op aarde doen om vir julle ‘n hoë graad van
liefde te verwerf - dat julle minder verlang na kennis - want verstandelike
kennis vervang nie die liefde van die hart nie. Omgekeerd egter sal die
liefde vir julle die volledige kennis ontsluit, wanneer julle in die Ryk van die
Lig sal ingaan en dit vir julle geen onopgeloste probleem meer sal wees nie.
Amen
541