Deel 4 - Nuweopenbaring::: Welkom by Die Nuwe Openbaring

krag waarvoor selfs die teenstander van God moes beswyk, sodat hy die
siele moet laat gaan wat die weg tot die kruis neem en vir Jesus Christus
erken as die Goddelike Verlosser en tot Hom bid dat Hy hulle skuld mag
vergewe. Amen
Waarom is kennis van die terugvoeringsproses nie
algemeen bekend nie?
8465 12 April 1963
Wanneer julle steeds alleen die weg na My gaan, dan sal julle ook gehelp
word in alle nood en alle benarde toestande, hetsy dit geestelik of aards is.
Want julle sal gehelp word met wat die beste is vir julle siele is, omdat
alleen die suiwere waarheid heilsaam is. Ek het julle geen grense gestel nie
en wanneer julle, julle geestelike kennis wil uitbrei sal Ek altyd bereid wees
om julle te onderrig. Julle vra waarom julle nou kennis ontsluit word
waarvan julle tot nog toe weinig of niks wis nie en Ek wil julle die rede
daarvoor uiteen sit.
Omdat daar altyd mense is wie se geestestoestand toelaat om in die
diepste skeppingsgeheime ingewy te word. Wat daarom die kennis besit oor
die oorsprong van al die geskapenis, oor die afval van My en ook oor My
heilsplan van ewigheid. Hulle kan egter hierdie kennis nooit oordra aan hul
medemens, solank hierdie hulself nog op ‘n laer geestelike vlak bevind as
diegene wat hierdie kennis van My ontvang het. Hulle sou dit nooit in
diepte begryp nie. En sou die mense dit slegs letterlik aanneem, dan sou
hul verstand hulle daartoe bring om dit as hersenspinsels van ‘n fantasie af
te wys, want ‘n nog on-ontwaakte gees sou dit nie kon begryp nie.
En so bevind die mensdom hom uit die tyd van My aardse lewe nog op ‘n
baie lae geestelike peil omdat hulle nog geheel onder die mag van My
teenstander staan, wat ook die oorsaak was van die groot geestelike
duisternis. Daar was derhalwe maar baie weinig mense wat Ek oor sulke
skeppingsgeheime kon onderrig.
En selfs hierdie begryp dit nog heel moeilik omdat hulle ook self nog met
die oersonde belas was, wat ook ‘n tekort aan insig beteken. Hulle vra My
wel telkens weer, maar Ek kon hulle alleen maar verwys op die verligting
van hul gees na My kruisdood, na die volbringde verlossingswerk, wat vir
hulle wie My in liefde toegedaan was die digte duisternis wegneem. Hierdie
kom dus langsaam tot insig van dit wat Ek hul geleer het. Maar hulle sou
die kennis nie net kon deurgee nie, omdat die mense wat nog ‘n onontwaakte
gees gehad het dit nie sou begryp nie.
En hierdie kennis vereis ‘n ontwaakte gees, wat die gevolg van ‘n ware
lewenswandel was, die resultaat van die liefdesleer wat Ek Self die mense
dringend verkondig het, die mense moes eers daartoe aangespoor word om
My gebooie van die liefde te vervul.
169