Deel 4 - Nuweopenbaring::: Welkom by Die Nuwe Openbaring

Dit is waarom elke mens sy doel sal bereik as hy hierdie nabye verhouding
met My tot stand kan bring, as hy ‘n lewende geloof in My deur ‘n
voortdurende verlange vir My teenwoordigheid openbaar. En so’n wens sal
deur My toegestaan word en daarvan af sal die persoon nêrens meer alleen
gaan nie, Ek sal hom altyd begelei, Ek sal altyd sy gedagtes lei en omdat
Ek nie meer enige weerstand kry nie sal hy ook tenvolle in My wil ingaan en
homself steeds meer verbeter. Waar Ek ingang in ‘n mens se hart gevind
het sal My teenstander sy mag verloor, alhoewel hy nog alles sal probeer
om hom weer vir homself oor te wen, maar My krag, wat die mens
voortdurend as gevolg van My teenwoordigheid ontvang, sal hom teëstaan.
Laat slegs julle siele tot lewe kom, wat altyd sal gebeur wanneer Ek Self
effek op hom kan neem, wanneer Ek hom met My krag van liefde kan verlig
en julle laat My altyd toe om dit te doen deur ‘n innige verbintenis met My
te hê. Dan sal julle na My vra en die gevaar sal verby wees dat die
teenstander besit van julle kan neem, wat weg vlug van My en julle nie kan
versoek nie mits Ek in julle teenwoordig is. En julle sal spoedig niks
onderneem nie of êrens heengaan, sonder om My seën te vra nie en dan
kan julle ook verseker wees dat Ek aan julle sy sal wees waar julle ook al
gaan, dan sal Ek julle geestelik onderrig en My krag en lig na julle in
oorvloed laat stroom. Maar dit alles is nie moontlik wanneer ‘n persoon sy
God en Skepper slegs met sy mond bely sonder om deur ‘n innerlike drang
aangespoor te word om kontak met hierdie God tot stand te bring nie. Sy
aardse lewe sal hom nie baie geestelike sukses bring nie, tensy hy sy
gedagtes en dade verander, sodat hy sal leer om My te herken en dan in
My te glo met ‘n lewende geloof. Amen
God's geregtigheid eis versoening vir die skuld
8504 21 Mei 1963
Ek is ‘n goeie en regverdige God. My Liefde vir My skepsele is onmeetlik en
Ek sou hulle almal gelukkig wil maak en hul die hoogste geluk wil berei,
omdat die Liefde My daartoe dring. Maar omdat Ek hoogs volmaak is, moet
Ek Self ook in My orde van ewigheid verkeer, alle tekens van My
volmaaktheid moet te herken wees en dus moet ook My geregtigheid My
volmaaktheid bewys, wat daarom ook aan My oorgrote Liefde, wat Ek aan
al My skepsele sou wil betoon, grense stel.
Ek kan geen wese gelukkig maak wat sondig geword het nie, omdat dit My
geregtigheid sou weerspreek. Daarom is My Liefde dus gebonde aan My
ewige wet. Ek kan alleen die volmaakte gelukkig maak in die mate soos Ek
sou wil dat die wese onbeskryflik geluksalig is. Ek kan wel genade vir reg
laat geld, deurdat Ek die sondig geworde wese help dat hy vry van sy
sonde word. Maar die wil daartoe moet van die wese self uitgaan, hy moet
homself van sy sondeskuld bewus wees en verlang om daarvan vry te word
en hy moet daarvoor om hulp vra.
195