Deel 4 - Nuweopenbaring::: Welkom by Die Nuwe Openbaring

Hom herken en liefhê Wie ter wille van julle saligheid die hele skepping laat
ontstaan het. Wie in onmeetlike liefde en wysheid Sy mag aangewend het
om die heerlikste skeppings in die lewe te roep, wat almal beantwoord aan
hul gestelde doel en wat alleen daartoe dien om die eertyds gevalle
geestelike op te neem, om dit eens tot uiteindelike voltooiing te bring,
sodat dit weer na My terugkeer. Na My waaruit hulle bestaan voortgekom
het en Wie met Sy geskape wesens vir ewig verbind sal bly, omdat Hy hulle
lief het.
Die mense moet My eindelose liefde ken omdat dit die verklaring is vir
alles, omdat Ek anders ook weer alles sou moes vernietig wat Ek geskep
het, toe hulle hul teen My verset het. Maar My liefde verhinder My dit en wil
ook die geskapene salig maak, omdat die liefde nie anders kan as om
geluksaligheid te berei nie. Daarom moet ‘n terugkeer van die van My
afgevalle onvermydelik plaasvind, want My heilsplan van ewigheid is alleen
op die doel gerig, nl. die uiteindelike terugkeer van al die gevalle
geestelike.
Dat Ek julle dit nou so uitvoerig laat weet, kom deur die eindtyd wat vir
julle mense ‘n laaste houvas nodig maak. Julle moet weet waaroor dit gaan
en dat julle nie baie tyd meer oor het om hierdie terugkeer tot My te
volbring nie. Julle mag nie gedagteloos van die een dag na die ander lewe
nie, maar julle moet probeer om ‘n noue verbintenis met My aan te knoop.
Want daardeur kan julle deur My deur die chaos gelei word wat nog oor
julle mense sal kom voor die einde en waaroor julle dan ook ‘n
waarheidsgetroue verklaring gegee sal word.
Word julle egter daaroor in dwaling gelaat en hoop julle steeds daarop dat
daar weer ‘n aardse oplewing en ‘n aardse opbloei vir almal sal kom omdat
julle die sin en die doel van al die gebeure om julle heen nie ken nie, dan
sal julle lewe op aarde vir niks geleef wees, sonder voordeel vir julle sielee,
wat julle eintlike ek is en nie vergaan met julle liggaamlike dood nie. En vir
die lot wat dan op julle sielee wag sou Ek julle wil bewaar. Ek sou julle
geluksalighede wil berei omdat Ek julle liefhet. Daarom stuur Ek steeds
weer die waarheid na die aarde wat julle alleen hoef te aanvaar, om dan
ook gered te wees van die verskriklike lot van die hernieude kluistering in
die skeppings van die nuwe aarde.
Wie My ewige heilsplan ken gaan nou reeds met ‘n sekere geluksaligheid
deur die aardse lewe, want hy het die doel en die sin daarvan ingesien en
beleef dit nou ook bewus en probeer ook altyd My wil te vervul. Maar vir
wie hierdie kennis vreemd is ken ook die doel van die aardse bestaan nie.
Hy sal maar steeds al die gebeure na wêreldse maatstaf waardeer en
geestelike doeleindes nooit laat geld nie, want die geestelike is vir hom
vreemd. En daarom sal alleen die mens My heilsplan van ewigheid begryp
wat self reeds die verbinding met My, deur te werk in liefde herstel het. Die
se gees is reeds tot lewe ontwaak, terwyl die mens sonder enige geloof in
My, liefdeloos sal dink en handel en daarom nooit oop staan vir sulke
382