Deel 4 - Nuweopenbaring::: Welkom by Die Nuwe Openbaring

waarneem en sien, wat egter Myself nie kan aanskou van Wie hulle
uitgegaan het nie, omdat Ek die Oervolheid van die liefdeskrag Self was en
hulle My nie kan aanskou sonder om te vergaan nie. Ek het hulle as klein
vonkies, as selfstandige wesens buite Myself geplaas, soos Ek dit al
verskeie maal uitgelê het, wat egter as ‘n suiwer geestelik proses vir julle
mense op die aarde nooit duidelik sal wees nie.
En omdat hierdie wesens selfstandige met vrye wil toegeruste skepsele
was, wat oor baie krag en lig beskik omdat hulle geleidelik deur My
liefdeskrag deurstroom word, kon Ek tog nie verhinder dat hulle hul vrye
wil misbruik in die sin dat hulle hul van My afwend nie. Dat hulle, toe hulle
die wilsproef gestel word om My as God en Skepper te erken, hulle My
hierdie erkenning geweier het. Hulle keer hulle tot die eersgeskape wese,
tot Lucifer, wie hulle kan sien en wie in alle skoonheid en in die helderste
lig straal. Hulle wys die uitstraling van My liefdeskrag af, wat die gestadige
verwydering van My as die Oerbron van lig en krag beteken.
Ook hierdie gebeurtenisse het Ek julle verklaar, in sovere julle verstandelik
dit uitgelê kan word. Maar weet nou dat hierdie buite My geplaaste
skepsele wel in hul wese heeltemal in die teendeel kan verander en dat
hulle nie kan vergaan nie, maar bly bestaan vir ewig.
Hierdie wesens was in hul oersubstansie liefde, dus krag wat volgens die
wet van ewigheid werksaam moet wees, wat nie ewig werkloos kan bly nie.
Deur die steeds groter wordende verwydering van My, wat die gevolg was
van die afwysing van My liefde deurstraling, verhard die geestelike
substasie van die deur My geskape oerwesens en hulle word onbekwaam
om te skep en te werk.
Daarom los Ek die oergeeste op. Die eens as wesens uitgestraalde krag
verander Ek en daaruit ontstaan die materiële skepping, waarin die krag
weer aktief, dus werksaam kon word na My wil.
En so kan julle met reg sê: die hele skepping bestaan uit die deur My wil
omvormde oergeeste, dieselfde krag wat Ek uitstraal in die vorm van ekbewuste
wesens, wat nou omvorm word tot ander vorms, tot
skeppingswerke van allerlei aard.
Elke skeppingswerk wys Ek nou sy bestemming toe. Sodoende gaan die
nou in partikeltjies opgeloste oergeeste deur alle skeppings heen, en dien
My volgens die wet van "jy moet". Daardeur word die krag aktief na My wil,
omdat die krag weer volgens die oerwet werksaam moet word.
Bedink altyd: die geestelike oerwesens was uitgestraalde krag van My. En
of hulle nou opgelos is en hulle eers weer aaneensluit na ‘n eindelose lang
tyd, die oerwese sal nie vergaan nie, maar keer onvermydelik eenmaal
weer na My terug.
Maar dan is dit weer dieselfde wese wat eens uit My voortgekom het. Dit
het dan deur alle skeppings heen gegaan oor die weg van terugkeer na My.
En ten laaste gaan dit in die gedaante as mens, as menslike siel, die laaste
13