Deel 4 - Nuweopenbaring::: Welkom by Die Nuwe Openbaring

ook van sy omgewing, soos wat dit ook moontlik is dat die bose gees, as hy
uitgewoed is, homself besin en homself verbeter, dat hy die verskriklike
uitwerking van sy bose wil insien.
Want soms word daar rekenskap van die mens vir sy onmenslike dade
gevra, en moet hy ‘n lang lydingsweg deurmaak. En dan word die bose
gees elke verdere moontlikheid ontneem om die mens aan te spoor tot
dade wat hyself sou doen, wanneer hy nog as mens op die aarde sou lewe.
Dan verlaat hy uit homrself die liggaam en die eintlike siel neem nou ook
die staat van lyding gewillig op homself. Maar ofskoon hy vry is van alle
skuld, dra hy tog die straf tot loutering. Hy kan daardeur vinniger volwasse
word as in ‘n lewe van onverskilligheid sonder ‘n besondere skuld.
En die onderskeid moet julle altyd maak, dat gevalle van besetenheid geen
herbeliggaming van vyandige siele is nie. Julle moet weet dat die hel alles
in die eindtyd uitgebraak het en die vors van die duisternis sy aanhang
aanspoor om tot die uiterste te gaan.
Julle moet weet dat ook hierdie bose geeste hulself nog kan red van die lot
van ‘n hernieude kluistering, as hulle dit self maar wil. Want spoedig kom
die dag van vereffening en elke wese moet dan rekenskap gee hoe hy die
tydjie benut het, wat hom ten behoewe van sy vrywording uit die mag van
My teenstander toegestaan is. Amen
Straf God die kinders vir die sonde van die vaders?
8296 11 Oktober 1962
Dit is My wil dat julle mense in waarheid moet lewe omdat die verkeerde
gedagtes julle volwasse wording sal belemmer en omdat een misleide
gedagte baie verkeerde gedagtes kan veroorsaak. En daarom sal julle ook
verduidelikings ontvang, op voorwaarde dat julle dit terwille van die suiwer
waarheid wil hê:
Hoewel julle gevra word om in My regverdigheid te glo, moet julle nietemin
geen valse indruk van My kry as gevolg van onderrig wat My as ‘n hartelose
God voorhou wat onregverdig straf. En hierdie valse indruk sal julle kry as
julle nie die betekenis van die woorde begryp ‘Ek sal die sonde van die
vaders straf tot die vierde geslag.’ Dit is nie die geval dat Ek genadeloos is
en dat die kinders en die kleinkinders moet boet vir die sondes van hul
vaders nie, want elke siel is verantwoordelik vir homself en moet
vergoeding doen vir sy eie skuld terwyl hy nog op aarde is, solank hy nie
Verlossing deur Jesus Christus aanvaar nie. Maar die kinders en die
kleinkinders sal nie verantwoordelik gehou word vir die sonde van hul
vaders nie. Maar dit kan ‘n natuurlike gevolg van sekere sondes wees wat
kinders en kleinkinders affekteer, sodat swakhede en onbekwaamhede van
‘n fisiese en geestelike aard voorkom wat deur die vaders se sondige lewe
veroorsaak word. En die gevolg is ook sigbaar aan ander mense, daarom
word die swakhede en die onbekwaamhede nou beskou as ‘n straf van My.
63