Deel 4 - Nuweopenbaring::: Welkom by Die Nuwe Openbaring

staat wees om waarheid van dwaling te onderskei. En daar is baie dwaling
in die wêreld versprei, sodat daar wel van ‘n digte duisternis gepraat kan
word, want slegs die waarheid is lig. En byna lyk dit asof die waarheid geen
ingang meer kan vind nie en deur die duisternis verslind word. Tog sal dit
steeds weer soos ‘n ligstraal deurbreek en opheldering bring aan die mens
wat vurig na die waarheid verlang. Dog suiwer verstandelik sal dit nie
verwerf kan word nie, anders sou intelligente mense ook altyd die waarheid
moes besit het en vir ‘n minder begaafde mens sou elke lig dan ‘n
verborgenheid wees. ‘n Ander faktor is egter beslissend om in die besit van
die suiwer waarheid te kom, naamlik: Die hart moet in staat en bereid wees
om lief te hê, dan word die lig in die mens self ontsteek en hy sal dan
waarheid van dwaling kan onderskei. Hy sal die waarheid begerig aanneem
en elke dwaling afwys. Dat die aarde nou in die diepste duisternis lê, is
gegrond in die liefdelose lewenswyse van die mens. Die liefdeloosheid is
sinoniem met die verduistering van die gees. Liefde alleen is die lig wat die
helderste insig skenk. Liefde wek die geestesvonk in die mens tot lewe en
liefde straal die lig van die wysheid uit. Wie dus ‘n hart het wat bereid is om
liefde te skenk, sal ook nie ten prooi val aan dwaling nie. Sy denke sal na
die waarheid wees, want hy is reeds deur die liefde met My verbonde en
dan kan My ligstraal in sy hart val en hom insig verskaf oor alles wat hy
begeer wat kennis betref.
Ook sal alleen ‘n liefdevolle mens daaroor nadink of hy reg dink, of hy die
waarheid besit of in dwaling verval het, wanneer geestelike leringe vir hom
aangebied word. Want dit laat ‘n liefdelose mens onverskillig of sy denke
korrek gelei word of nie. Dog gelukkig sal alleen die mens wees, wat die
waarheid herken en aanneem, want die waarheid sal hom vrymaak en sal
ook aan sy aardse lewe die egte inhoud gee. Slegs die waarheid sal hom
opheldering gee oor die sin en die doel van sy aardse bestaan. Die
waarheid sal altyd innerlike vrede besorg en hy sal die doel dat hy in die
waarheid glo en dit erken, waardig vind om na te strewe.
Deur die waarheid sal die mens ook nader aan My kom, hy sal My herken
en nastrewe en hy sal elke dwaling as teen My gerig beskou en afwys of
bestry. Ook sy aardse lewe sal vir hom dan waarde verkry; as kennis
volgens die waarheid aan hom gebring word oor elke samehang en die
korrekte verhouding van die mens tot God, sy Skepper en Bewaarder. En
hy sal op Hom afpyl in die besef, om die geluksaligheid te bereik wat hy
nog nie as mens vermag het om te ervaar nie. Die aardse lewe sal vir hom
dan eers sinvol voorkom, wanneer hy oor alles volgens waarheid onderrig
is.
Die duisternis daarenteen kan ‘n mens nie gelukkig maak nie en elke
dwaalleer is geestelike duisternis wat nooit ‘n mens kan verbly nie, maar
wat deurbreek moet word deur ‘n ligstraal, wat ‘n waarheidsgetroue kennis
beteken.
205