Deel 4 - Nuweopenbaring::: Welkom by Die Nuwe Openbaring

Maar Ek probeer voor die einde nog te red wie hulle wil laat red. Ek wil My
nog laat ken aan die swakgelowiges, sodat hulle in hul nood tot My roep en
dan ook duidelik My hulp ervaar. Daardeur word hul geloof versterk en
hulle kan vir My nog tot ‘n steun word as die laaste periode op hierdie
aarde aanbreek. Ek sê julle steeds weer: Dit sal byna bo almal se krag
wees, en alleen Een sal julle krag kan gee en julle hulp stuur as julle in die
grootste nood ook die Een aanroep, nl. Myself in Jesus Christus.
Maar My ingryp kan julle mense nie gespaar bly nie, want dit is ‘n laaste
poging om nog siele te red wat sonder geloof of swak van geloof is. En as
hulle geen uitweg meer sien nie, kan hierdie mense tog nog dink aan ‘n
God en Skepper en aan ‘n Mag wat bo hulle staan en Wie alleen kan help.
Want as die groot natuurkatastrofe oor is, sal die nood nog steeds nie
ophou nie, maar die chaos sal nog groter word. En dan sal dit blyk waar
nog ‘n lewend geloof te vinde is, want dit alleen sal elke nood se meester
wees.
Wie dus ‘n lewend geloof het sal hom sonder beperking aan My toevertrou
en sy geloof sal Ek nie tot skande maak nie. Hy sal gehelp word en hy sal
selfs probeer om sy medemens tot geloof te bring. En na mate van hul wil
en hulpvaardigheid sal hulle ook hulp gegee word, want as die nood tot
liefdadigheid aanspoor het dit sy doel bereik omdat dit daarmee die
onbaatsugtige naasteliefde opwek. En dit is weer die waarborg dat Ek
hierdie mense My liefde skenk en hulle die krag gee om hul noodtoestand
te bemeester.
Julle hoef dus waarlik hierdie noodtyd nie te vrees as julle tot Myne behoort
nie, as julle My wil vervul en My wil dien. Die voortdurende verbinding met
My verseker julle ook van My beskerming en van toevoer van krag in hoë
mate. En bowendien het Ek julle nodig vir die verspreiding van My
evangelie, wat in die tyd besonder nodig sal wees. Want daardeur sal die
mense hul regte wese laat sien en slegs weiniges sal bereid wees om te
help en die naaste by te staan. Hulle word egter steeds gehelp, daar kan
julle seker van wees. Maar meestal sal die eieliefde te voorskyn kom en
meedoenloos sal die mense hul toe-eien wat nie aan hulle behoort nie, om
hul eie lewenspeil te verbeter. Die sterkes sal hulle laat geld en probeer om
die swakkes ten gronde te rig, en dit sal hierdie noodtyd in die besonder
karakteriseer en sal duidelik maak dat die mensdom ryp is vir sy
ondergang.
Tog moet Myne hulle steeds daarop verlaat dat Ek al hul nood ken en kan
afkeer, want vir My is niks onmoontlik nie. Ek sal julle ook liggaamlik
versorg en julle sal op die wonderbaarlikste wyse hulp ervaar, sodat julle
geloof nog lewendiger sal word. En met die krag van die geloof sal julle ook
alles deurstaan sodat julle vyande julle nie sal oorwin nie.
Maar dat hierdie tyd aan die kom is kan julle met sekerheid glo en Ek sal
nog alle hulpmiddele aanwend om die siele te red wat nog nie geheel aan
My teenstander verval het nie. Ook aan hulle wil Ek My openbaar in My
264