Deel 4 - Nuweopenbaring::: Welkom by Die Nuwe Openbaring

sonder invloed op die mense kan bly, is ‘n groot liefde tot My en tot die
naaste nodig.
En weer moet My teenreaksie nou plaasvind, deurdat Ek My ligdraers
daartoe aansê om duidelik met die suiwer waarheid op die voorgrond te
tree en opheldering te gee waar dit maar moontlik is, sodat die mense nie
in dwaling verval nie en sodat hulle nie in die vangnette van die
teenstander kom nie, sodat hulle nie by Jesus Christus verbygaan nie, wat
alleenlik die Redder en Verlosser van die mensdom is en wat aangeroep
moet word om vergewing van hulle skuld, sodat hulle aardse lewe nie
vergeefs geleef is nie en die mens nog sy verlossing op aarde kan vind.
Hoe belangrik die kennis oor Jesus Christus en Sy verlossingswerk is, moet
steeds weer aan julle voorgehou word en dit kan dus maar net deur die
suiwer waarheid geskied, wat regstreeks deur My na die aarde gebring
word. En dit is waarlik die vernaamste opdrag van ‘n ligdraer, om die
mensdom daarvan in kennis te stel en alles te doen om die waarheid te
versprei. En van My kant sal alles gedoen word om julle arbeid vir My en
My ryk te ondersteun, want die mensdom verkeer nog in die diepste
duisternis en daar sal aan hulle ‘n helder lig geskenk word wat dit begeer,
wat na My en die waarheid verlang. Amen
Die aktiwiteite van demoniese kragte, gekamoefleer
as engele van lig
8484 2 Mei 1963
Stryders moet julle wees vir My en My ryk en dus moet julle ook standhou
teen alle aanvalle van die kant van My teenstander. Maar julle stry nie
alleen nie, julle het My as leëraanvoerder en waarlik, Ek sal julle na die
oorwinning voer, want hy sal julle nie tot ‘n val kan bring nie, omdat julle ‘n
stryd voer met My krag en as My afgesante. En My mag is waarlik groter,
maar julle moet julle geheel en al aan My toevertrou, dat julle dus ook in
die volle besit van krag kan wees, as dit daarom gaan om teen hom
weerstand te bied.
Ongeag in welke vorm of gestalte hy julle ook tegemoet tree, julle hoef
hom dus geheel en al nie te vrees nie. Hy het baie gewade waarin hy
homself hul en steeds probeer hy om by Myne vrees aan te jaag, maar hy
sal nie slaag waar Ek om beskerming gevra word nie. Maar dit moet julle
weet, dat Ek geen twee soorte waarhede spreek nie. Dat nie die een dit en
die ander een die leer en opheldering ontvang nie en dat daar dus twee
meesters aan die werk moet wees waar verskillende geestelike
onderwysings plaasvind nie.
Ek ken die hart van elke mens, Ek ken sy ingesteldheid teenoor My, sy God
en Skepper van ewigheid en daarom neem Ek ook besit van die hart wat
homself geheel aan My toevertrou en Ek lei die mens op al sy weë. En as
julle nou sou kon sien hoe die ryk van My teenstander homself uitgebrei het
180