Deel 4 - Nuweopenbaring::: Welkom by Die Nuwe Openbaring

Maar Ek kan My slegs openbaar aan hulle wat ernstig na die waarheid
verlang, hulle sal My nie tevergeefs om die verspreiding van die waarheid
vra nie. Tog is daar maar weinig mense wat ernstige daarna verlang.
Meestal lewe hulle onverskillig of hulle neem sonder nadenke aan wat
mense hul vertel. Mense, wat alleen maar hul verstand laat werk, maar
geen waarborg kan gee vir ‘n reg gerigte verstandelike denke nie. Daar is
egter nie baie wat hulle besighou met die grondvraag van hul bestaan as
mens nie en steeds is die geloof in ‘n God van Liefde, Wysheid en Mag nie
so sterk dat hulle Hom sou vra om opheldering nie. Maar alleen van My kan
die suiwer waarheid uitgaan. En in die verkeerde instelling tot My, hul God
en Skepper, lê die oorsaak dat die mense in dwaling en sonder enige ware
kennis voortlewe en gevolglik ook nie hul aardse lewe goed gebruik nie,
wat hulle tot voltooiing sou kon bring. Die onverskilligheid teenoor die
waarheid is ‘n verskynsel wat ‘n gevolg is van die groot onvolwasseheid van
die menslike siel. Want die is nog in die mag van My teenstander wat alles
waardeur die mense lig gegee kan word, probeer verhinder omdat hy hulle
nie wil verloor nie en hy hulle alleen in sy mag kan hou solank hulle ‘n
verduisterde gees het, dus hulle van die waarheid weg hou. Die waarheid
alleen bring die mens tot voltooiing, die waarheid alleen is saligheid. ‘n Lig
wat helder skyn in die donker nag wat oor die aarde uitgesprei is. Die
waarheid is Ek Self en wie dus in die waarheid leef, die is ook innig met My
verbind.
As julle mense nie volgens die waarheid onderrig is nie, ontbreek julle ook
die lig vir julle aardse lewensweg. Julle is wel op weg, maar waarheen lei
hierdie weg sonder waarheid? Dit kan alleen na die diepte voer, terwyl as
julle die weg van die waarheid volg dit julle onherroepelik omhoog lei. Want
die weg is helder verlig en bring julle tot die doel, tot My, Ek wat die EWIGE
WAARHEID Self is. En Ek is waarlik altyd bereid om julle in die waarheid te
lei, soos Ek dit beloof het toe Ek op aarde geleef het. Aan iedere mens wil
Ek My openbaar in My Liefde, Wysheid en Mag wat slegs in sy hart verlang
om My te hoor en deur My vertroud gemaak wil word met die waarheid. Dit
is die vernaamste bede wat julle tot My kan opstuur, want dit bewys aan
My julle ernstige wil om na My terug te keer. Dit bewys ook aan My dat
julle Myself erken as julle God en Vader en dit is ‘n geestelike bede, wat
verhoor sal word. Want sodra Ek julle die suiwer waarheid kan laat toekom,
leer julle My in My Wese ken en ook liefhê. En na julle liefde verlang Ek, Ek
verlang vurig na julle liefde, wat eg en diep en rein is as julle deur die
verkondiging van die suiwer waarheid alles weet oor julle ontstaan en julle
vroeëre houding teenoor My en die doel (van julle lewe) dat julle weer met
My moet verenig.
Die liefde word dan in julle ontsteek en julle sal My steeds inniger nader. En
julle sal ook daardeur in diepte binnengelei kan word in ‘n kennis wat julle
bomatig salig maak. Julle sal dan My heilsplan van ewigheid ken, die liefde
van die Vader vir SY kinders en ook die groot werk van die terugvoering,
326