Deel 4 - Nuweopenbaring::: Welkom by Die Nuwe Openbaring

opvatting weerspreek en waarlik by hierdie fanatici het die teenstander nog
steeds groot mag.
Want ook in die ryk hierna versuim hulle een ding, om mekaar helpend by
te staan, waardeur die graad van hulle liefde vergroot sou word en hul
weerstand teen die lig verswak. Hulle kan in die geesteryk geen stap verder
kom nie, omdat ook daar die liefde die krag is wat die siel help om
opwaarts te gaan. Maar die liefde is ook die lig en liefde kan hulle ook aan
mekaar in die ryk hierna skenk, want waar nog geen geluksaligheid is nie,
is daar nood en ellende en steeds sal ‘n siel die ander kan bystaan. Maar
dan sal ook die denke van die siele steeds helderder word en hulle sal ook
vrae vra en die antwoord sal hul seker toe kom. Maar steeds is die liefde
die eerste. En die grootste geestelike dwaling by die siele bestaan daarin,
dat hulle dit wat die menslike verstand tot ‘n "Goddelike leer" verhef het,
bo die liefde stel en dat hulle steeds eers dit navolg wat mense eis en geen
ag slaan op Goddelike eise nie. En daar is ewig geen verandering in hulle
toestand as hulle die liefde nie in die eerste plek stel en dus deur ‘n
liefdevolle wil teenoor ander siele om te help, ook tot die insig van die
suiwere waarheid kom nie, wat hul dan ook onbeperkte hemelse vreugde
sal berei.
Daarom sal elke mens wie se denke op ‘n dwaalspoor gebring word op
aarde, maar wie se wil om lief te hê en in liefde te werk ‘n hoë graad bereik
en skielik in die ryk hierna tot insig kom dan sal hy die dwaling bereidwillig
laat vaar. Hy sal sy bes doen om sy kennis ook aan ander siele oor te dra,
omdat hy die groot onheil besef wat dwaling stig, omdat hy die geestelike
blindheid sou mag ophef, want die liefde dryf hom ook om te help. En sy
invloed kan daarom buitengewoon seënryk wees, omdat hyself op aarde
net so gedink het maar wat hy hul nou as foutief kan uitwys en daarom ook
sukses kan boek by die siele wat hom nou gehoor skenk.
Die dwaling is die ergste gif vir die siele van mense en die stryd van die lig
teen die duisternis word daarom onverbiddelik gevoer en ook eens sal die
lig seëvier. Maar dit staan die mens vry of hy die lig kies of die duisternis,
hy word nie gedwing nie en kan vry sy keuse maak, maar daar word alles
moonlik gedoen dat hy nog op aarde tot insig van die waarheid kom. Maar
ook in die hiernamaals verminder die ligwesens hul inspanning nie, want
alleen die siel wat vas staan in die waarheid kan salig word. Amen
Kenmerk van Goddelike onderrig - Die menslike
verskyning van God
8694 6 Desember 1963
Ek benadruk herhaaldelik dat dit noodsaaklik is vir julle om ingelig te wees
oor My menslike verskyning in Jesus Christus. Want julle volwasse wording
hang alleen van die feit af of julle in waarheid onderrig is oor die
belangrikheid van Jesus en Sy verlossingswerk vir julle mense. Want
318