Deel 4 - Nuweopenbaring::: Welkom by Die Nuwe Openbaring

Beskou slegs julleself en vra julleself dikwels af wat die rede van julle
menswees wel mag wees. Dink daaroor na wat julle is en waar julle
vandaan gekom het. Beskou julleself nie as so minderwaardig deur te dink
dat julle met julle liggaamlike dood weer vergaan in 'n niks nie. Want dan
stel julle julleself nog onder ‘n dier wat nie kan dink nie, want julle gebruik
nie julle verstand wat aan julle gegee word nie. Reeds julle vrye wil en julle
verstand moes ‘n bewys vir julle wees van ‘n Mag wat julle geskep het en
Wie se skeppings van die grootste wysheid blyke gee. Hierdie "Mag" het
beslis niks gebrekkig buite Hom geplaas nie, maar wesens in hoogste
volmaaktheid. Maar julle mense, weet nie dat julle die wesens is wat van
My afvallig geword het nie. Daarom wys Ek julle steeds weer op julle
vrywillige verval en ook op My liefdevolle sorg, om julle tot ‘n vrywillige
terugkeer te beweeg.
En daarom probeer Ek slegs om julle tot nadenke aan te spoor oor julleself,
wat julle is en om welke rede julle op die aarde leef. Julle moet daar aan
dink watter wonderwerk van die skepping julleself is, hoe kunstig julle
liggaam geskape is en hoe al sy funksies uitermatig knap ingerig is. Daar
aan sou julle al moet sien dat julle van Goddelike oorsprong is en dat julle
Skepper ‘n hoogs volmaakte Wese moet wees, wat hierdie skepsele buite
Hom laat ontstaan het, wat kan dink en wil en daarom tot iets anders
bestem moet wees, as maar net julle weg oor die aarde te gaan en die
aardse verpligtinge na te kom en dan weer te vergaan. En kon julle maar
tot die insig kom dat julle aardse lewe ‘n sin en ‘n doel moet hê, dan sou
julle ook moeite doen om dit te deurgrond en dan sou die weg omhoog ook
vir julle verseker wees. Want dan was julleself bewus van julle
verantwoordelikheid en die een goddelike eienskap na die ander sou weer
in julle tevoorskyn kom, omdat julle oersubstansie Goddelike krag is. Dan
sal julle ook die verbinding met My soek en My dus ook die moontlikheid
gee om julle weer met My liefdeskrag te deurstraal en dan sal julle weer
wees wat julle was vanaf die begin van die tye. Amen
Die ingang van die siel in die koninkryk van lig
8400 2 Februarie 1963
Elke geestelike versoek sal aan julle toegestaan word. Ek het julle hierdie
belofte gegee omdat My liefde alles sal vervul wat goed is vir julle siele. En
so kan julle ook verseker wees dat julle die koninkryk van lig en
geluksaligheid na julle fisiese dood sal ingaan as julle, julle lewe op aarde
ooreenkomstig My wil geleef het, as julle, julle liefde vir My deur julle dade
van onselfsugtige naaste liefde gewys het en as julle, julle lewe op aarde
met My geleef het deur My toe te laat om julle voortdurende metgesel te
wees.
“Hy wat in My glo het die ewige lewe.” En elkeen wat ‘n lewe van liefde leef
glo in My met ‘n ware lewende geloof en hy sal daarom ‘n salig lewe in die
geesteryk toegestaan word. En die besef sal inderdaad na hom in ‘n flits
120