Deel 4 - Nuweopenbaring::: Welkom by Die Nuwe Openbaring

Daar is nog maar min mense waarop greep gekry
kan word
8902 27/29 Desember 1964
Wat julle ook al sal wil onderneem, raadpleeg My, verlaat julle op My in
vaste vertroue, dat Ek My oor al julle sorge bekommer. Want Ek ken julle
mees geheime gedagtes, maar tog wil Ek, in ‘n vertroulike gesprek, gevra
word om My bystand. Steeds moet Ek weer vir julle die versekering gee dat
Ek Self die mense na julle toe stuur aan wie julle My woord moet bring. Dit
is waarlik geen leë woorde wat Ek sommer uitspreek nie, veeleer sal julle
daaroor, hoe en op watter manier, self moet nadink. Dat Ek vir julle deure
geopen het, dat daar by My ook geen afstand bestaan nie, dat Ek elkeen
kan bereik en dat hulle, wat hulle by die hand wil laat neem, My woord laat
toekom.
En aangesien die aantal klein blyk te wees, weet julle nie wat die
uitwerking van My woord is nie en hoe dit krag gee aan die aangespreekte
mense en ook aan die siele in die hiernamaals, wie se aantal geweldig groot
is, dus die reddingswerk in die ryk hierna, is nog baie groter as op die
aarde. En julle moet julle daarom tevrede stel en ook weet dat Ek steeds
nuwe siele sal bereik aan wie julle My gawes van bo moet aanbied. Maar
glo nie dat julle groter resultate sal bereik indien julle liefdevol aan die
werk is nie, dat julle met julle hele hart en siel julleself insit vir die
verbreiding van My woord nie.
Net soos die mense van die wêreld nou is, is hulle nie meer te wen nie,
hulle sal steeds ‘n afkeurende houding aanneem en almal wat hulle inspan
om die woord wat hulle ontvang, verder te verkondig, sal weerstand
ervaar. Dus slegs nog ‘n werk wat in suiwer liefde verrig word, beloof
sukses, want op so ‘n werk rus My seën. Sodra mense, met ‘n nie-gewekte
gees, hulle aan dié werk wy, verloor My woord krag, want liefde moet dit
uitdeel en liefde moet dit ontvang. Juis die onselfsugtigheid van die
medewerkers gee julle die waarborg dat Ek Self met hulle is en dat Ek ook
geen dwaling toelaat nie, omdat dit die werk van die teenstander is. Die
teenstander kan egter nie daar wees waar geen selfsugtige gedagte is nie,
en wat dus die binnesluip van hom onmoontlik maak.
(29 Desember) En so word die teenstander uitgeskakel, want die mens stry
met die wapen van die liefde sodra hy homself onbaatsugtig vir sy naaste
instel en teen liefde is hy magteloos. Julle kan dus maklik die oorhand kry
as julle steeds maar daar aan dink, wanneer julle altyd met onbaatsugtige
naasteliefde vervul is, dat dit vir julleself ‘n krag is, en julle sal ook geen
swakheid meer hoef te vrees nie, want alles wat julle onderneem, is dan
goed, dus vervul julle dan My Wil en kan julle slegs tot seën van julle
medemens werksaam wees. Amen
479