Deel 4 - Nuweopenbaring::: Welkom by Die Nuwe Openbaring

alles innerlik belewe en alle insig benut om in die liefde te werk en
daardeur word sy verbintenis met My, wat alleen in die hart tot stand
gebring kan word, steeds inniger.
Ek Self het wel op aarde My kerk gestig, wat op die rots van die geloof
opgerig is, maar Ek het geen uiterlike organisasies gestig nie. En dat
hierdie organisasies nie in ‘n ware verhouding tot My staan nie, kan julle
sien deurdat dit alleen na die buitenkant toe, uiterlik is, dat dit egter die
innerlike van die mens totaal onberoerd en onbevredig laat as die mense
op soek is na My en die suiwer waarheid. My Woord alleen moet die inhoud
uitmaak van 'n preek en vanuit My Woord moet die mense die gebooie van
die liefde vervul. En deur die liefde kom hulle dan ook tot ‘n lewende geloof
en daardeur dus tot die innigste verbintenis met My. Dan is hulle lede van
die kerk wat Ek Self op aarde gegrondves het.
Ek probeer nou aan alle mense die waarheid te laat toekom maar slegs
weiniges neem dit aan. Maar wie dit aanneem kom ook gou tot ‘n diepe
kennis en hieruit moet hy sy afleidings maak, want niemand kan twee here
dien nie. Maar as daar nou ‘n organisasie opgerig is wat met die kennis in
teenspraak is, dan het hierdie ook duidelik onder die invloed van My
teenstander ontstaan; wat duidelik aangetoon word deur elke uiterlike
vertoon daarvan. Want dit leen hom daartoe om ‘n verkeerde voorstelling
van My eintlike Wil te laat ontstaan en daarom moet ook elkeen wat die
kennis gekry het hom van die werk van My teenstander losmaak.
Wie die waarheid wat Ek hom laat toekom nie kan aanneem vanweë sy eie
liefdeloosheid of sy geringe graad van volwassenheid nie, die sal
begryplikerwys ook sy dwaling nie wil opgee nie. Vir die wat weet egter is
die dwaling in te sien en dwaling is dwaalleer, dus die werk van My
teenstander. En wanneer hulle wat weet tog hierdie wêreldse eise nakom
dan is dit geen "godsdiens" nie, maar alleen ‘n suiwer wêreldse
aangeleendheid, julle moet rekening hou met die mense wat ook tot die
waarheid gebring moet word en nie in hul dwalinge gesterk moet word nie.
Dit is moeilik om teen ‘n tradisie in te gaan en dit sal julle ook nouliks
geluk, want min waarvan die verlang na die waarheid nog ongewoon sterk
is, sal hulle vrymaak. Ek Self kan egter geen kompromis aangaan nie. Ek
kan julle alleen duidelik uitsluitsel gee oor dwaling en waarheid en julleself
moet dan besluit en julle beslissing dan wys.
Besef steeds dat dit ‘n buitengewone genadegawe is om julle met die
suiwer waarheid bekend te maak en dat elkeen van die genadegawe
gebruik kan maak, dat dit egter daarom ‘n groot daad van liefde van My
kant is as My Gees so luid in ‘n mens spreek dat hy tot insig kom, dat Ek,
ooreenkomstig sy wil, hom ook die waarheid kan laat toekom. En die
genadegawe moet ook benut word deurdat die mens die waarheid aanneem
en dit ook verkondig aan hulle, wat nog gebind is aan tradisionele of
organisatoriese voorskrifte. Eers wanneer julle daarvan vry is, is julle ook
vry van My teenstander, maar die gevaar bestaan dat die teenstander hom
415