Deel 4 - Nuweopenbaring::: Welkom by Die Nuwe Openbaring

vrye wil, wat egter ook Myne is, omdat ‘n volmaakte wese nie anders wil en
kan dink soos Ek nie, wat die mees volmaakte Gees in die Oneindigheid is.
Amen
Gods voortdurende hulp op die aardse weg
8328 13 November 1962
Deurlopend wil Ek aan julle skenk, want My liefde ken geen grense nie. En
laat ‘n mens My toe om regstreeks in hom werksaam te wees, dan is dit sy
wil wat deur My uitgevoer word, dan is daar geen sprake van geloofsdwang
nie, want hy open hom vir My gawe van genade, omdat hy in My glo, Maar
Ek kan nooit sigbaar werk waar die geloof ontbreek nie, waarom ook geen
enkele mens My stem sal hoor, wat nie deur sy geloof, wat lewend word
deur die liefde, bewus met My in verbinding tree nie.
Ek wil die mense alles gee, waaraan hulle gebrek het, of dit nou geestelike
of materiële goedere is, want solank My skepsele nog onvolmaak is, het
hulle voortdurende ondersteuning nodig, om tot voleinding te kom en
solank hulle as mens oor die aarde gaan, moet hulle ook in elk opsig aardse
versorging kry. Die ware maat egter weet Ek alleen. Ek ken die staat van
volwassenheid van die siel en weet dus ook wat hulle nodig het om
volwasse te word. Maar Ek ken ook sy aardse behoeftes. Ek weet, wat goed
vir hom is en wat hom skade doen en Ek bedeel een en elk ooreenkomstig
sy gesteldheid.
Want julle mense is nie almal eenders geaard nie, julle is deur julle vorige
lewens, deur julle gang deur die skepping, so verskillend na julle siele
gevorm, dat Ek My oor elkeen afsonderlik moet ontferm, om hom te gee,
wat hy nodig het. En ook aards moet Ek julle verskillend bedeel, omdat die
toestand van julle siele dit vereis. Julle het almal My besondere versorging
nodig en julle moet dit ook glo, dat die geestelike vooruitgang van elkeen
van julle, wat Ek probeer bevorder met die ware middele, My na aan die
hart lê.
Want dit is My liefde, wat julle na die hoogste graad van volwassenheid wil
lei, sodat Ek julle dan in My Ryk eindeloos gelukkig wil en kan maak.
Omdat julle, julle eertyds vrywillig van My afgekeer het en dus self skuld
het aan julle onvolmaakte toestand, julle het nou weer middele van
genade, wat julle onophoudelik toestroom en My liefde sal nooit ophou, tot
julle weer met My verenig is nie, want julle het uit My liefde voortgekom en
keer ook onherroeplik eenmaal weer na My terug.
Maar al kan julle verseker daarvan wees, dat my middele van genade
suksesvol is, julle mag julle nie daarteen verset nie, julle mag julle nie vir
My liefde afsluit, deur My teë te werk nie, deur julle aan My teenstander oor
te gee, wat alles sal doen, om die terugkeer na My te verhinder. Ek verlang
van julle dat julle julleself bewus tot My wend, wat dieselfde tyd ‘n
afwending van My teenstander beteken. Want dan omvat My liefde julle en
laat julle vir ewig nie weer val nie.
79