Deel 4 - Nuweopenbaring::: Welkom by Die Nuwe Openbaring

van die deur My gestigte kerk. En waar My Gees werk, daar is geen
onduidelikhede, geen twyfel en geen verwarde begrippe. Want dit sal lig
wees en hul dink reg, hulle wat aan My kerk behoort.
Die kerk het geen uiterlike kenteken nodig nie. Hulle het geen
organisasievorm nodig nie, want in alle kerklike gemeenskappe is mense
wat ‘n lewende geloof het, in liefde lewe en daardeur die gees in hom wek.
Hulle almal sluit hulle aan by die kerk van Jesus, wat in waarheid ‘n suiwer
geestelike verbinding is van hulle wat hul deur die liefde met My verenig.
Wat alles wat hulle doen bewus doen, nie as uiterlike handelinge wat geen
betekenis het omdat hulle suiwer meganies uitgevoer word.
Julle moet lewende christene wees wat altyd bewus hul aardse lewensdoel
vervul, steeds met ywer daarna strewe om julle doel te bereik en steeds
aan My toegewy, omdat EK self die leiding oor julle kan oorneem en julle
dan waarlik ook die doel sal bereik.
Want EK kan daar geen genoë mee neem as julle alleen die deur mense
uitgevaardigde gebooie vervul wat julle deur julle opvoeding bygebring
word, wat sinloos is en julle geen geestelike volwassenheid oplewer nie. As
lede van die deur My gestigte kerk moet julle ook steeds My ware navolgers
wees. Julle moet alles wat julle oorkom aan leed en moeilikhede berustend
op julle neem, sodat julle dit sien as 'n beproewing van julle geloof wat julle
moet deurstaan, as hulpmiddel om die volwassenheid van julle siele te
verhoog. Want dit sê My Gees in julle en julle sien ook die rede in van dit
wat EK op julle laat kom.
Julle sal ‘n tweede lewe lei naas julle aardse lewe, ‘n lewe in verbinding met
My, julle God en Vader van ewigheid en so'n lewe het ook verseker julle
volmaaktheid tot gevolg. Elkeen kan daarom voltooiing bereik, ongeag tot
welke geestesrigting hy behoort, as hy maar steeds in lewende verbinding
met My staan en daardeur met die waarheid bekend gemaak kan word. Dit
vra egter steeds ‘n lewe in liefde en daardeur ‘n vaste lewende geloof.
En solank dit julle mense aan beide ontbreek, is julle slegs dooie vorme op
die aarde wat ook ewig nie tot lewe kan kom nie. Want wat julle ook na
buite toe doen, bring geen innerlike verandering teweeg nie, wat egter die
betekenis en doel van die aardse lewe as mens is.
Daarom, sluit julle aan by die kerk wat EK self op aarde gestig het.
Ontwaak uit julle doodse-slaap, wek die gees in julle tot lewe deurdat julle
onbaatsugtig liefdevol werksaam is. Julle sal daardeur ook tot ‘n geloof kom
wat onwrikbaar is wat die hel nie aan die wankel sal kan bring nie. En
wanneer julle so'n geloof besit, dan is julle waarlik naby aan My, dan
bemerk julle My teenwoordigheid, dan sal julle ook weer die vermoë terug
kry wat julle besit het voor julle afval van My. Julle sal weer volmaak word
soos julle dit van die begin van die tye af was, en julle lewe sal dan salig
wees tot in alle ewigheid. Amen
283