Deel 4 - Nuweopenbaring::: Welkom by Die Nuwe Openbaring

julleself tot nadenke moet bring hoe lank julleself al oor die aarde gaan, al
is dit ook nie as selfbewuste wese nie. Maar julle weet dan ook dat die hele
skepping iets wesenlik geesteliks is en dit ook in hom dra, wat sy
ontwikkelingsgang na omhoog aflê om eens weer tot dit te word wat hy
was in die allereerste begin: vrye wesens met ek-bewussyn, wat in krag en
lig kan werk soos dit hul roeping was, toe Ek hulle uit die krag van My
Liefde geskape het.
Julle moet slegs verlang om hieraan te glo, want julle kan geen bewys
gegee word nie, maar die geloof kan tot ‘n oortuiging word, wanneer die
mens in sy laaste stadium op hierdie aarde hom aan die Wese van sy God
en Vader probeer gelyk maak, as hy hom tot liefde verander en hom
daardeur met My verbind. Want sodra Ek by hom aanwesig kan wees, sal
hy ook oortuig kan glo omdat Ek die Liefde Self is en dan ook weet dat hy
alleen om die rede oor die aarde gaan, om na sy eindelose gang, sy taak
ten einde te bring. En hy sal na My strewe met alle krag en sodoende ook
verenig word met My, sy Vader van ewigheid en onuitspreeklik gelukkig
wees. Amen
Satan geklee in lig – Die paradys op die nuwe aarde
8253 27 Augustus 1962
Moet nie verras wees dat My teenstander alles tot sy beskikking sal probeer
om sy krag te versterk om sy aanhangers te verhinder om hom te verlaat
en My te volg nie. Dit is geskryf dat hy groot wonderwerke sal doen om te
probeer om Myne te mislei en te probeer om hulle vir homself te hou. Hy
sal nie aarsel om hom as ‘n engel van lig te vermom en selfs die Woord van
God en geskrif te gebruik nie.
Maar hy kan hulle nie bedrieg wat ernstig na die Waarheid verlang nie, selfs
wanneer hy in My Naam verskyn. Want as hy My in Jesus Christus en My
werk van verlossing moet erken sal hy beslis sy masker laat val en sal dit
ten alle koste vermy. Hy sal nooit die verlossingswerk erken nie. Sy
inspanning sal altyd wees om mense van hulle geloof af te trek. Hy het
groot krag en sal dit beslis in die eindtyd gebruik. Waar daar geestelike
duisternis is sal hy nie herken word nie, maar hy sal deursigtig wees waar
My lig helder skyn. Myne moet Hom nie vrees nie want hulle sal deur sy
taktiek sien, sy planne begryp en hulle teen hom verset.
Hy sal selfs demone en bewoners van die hel na die aarde stuur om mense
te beïnvloed. Ek sal nie en kan ook nie My teenstander verhinder nie,
omdat dit sy laaste geleentheid is alvorens hy vir ‘n baie lang tyd gebind sal
word. Dan sal hy nie meer invloed op die geestelike hê wat die weg deur
die skeppings van die nuwe aarde in ‘n gebonde toestand gaan nie, of op
mense wat in vrye wil lewe nie.
So sal daar ‘n tyd van vrede wees wanneer die geestelike baie vinniger kan
vorder en alles wat gebonde is baie geleentheid sal hê om te dien. Eers sal
die mense nie geestelike opposisie nodig hê om hulle wil te toets nie,
37