Deel 4 - Nuweopenbaring::: Welkom by Die Nuwe Openbaring

So word My leer ook ‘n bepaaldie tyd suiwer gehou. My disipels gee die
leeramp deur, aangesien hulle die geestelike toestand sien van die wat
hulle as hul opvolgers aanwys. Maar dit duur nie lank nie, of die mense eien
vir hulself so'n leeramp toe. Gedeeltelik uit ‘n sekere eieliefde, gedeeltelik
uit ‘n te groot ywer om My wil te doen, sonder om die innerlike roeping
daartoe af te wag. En so kom dit dat die leeramp dan willekeurig toegeken
word. Dat nie meer die innerlike begaafdheid of die geestestoestand van ‘n
mens maatgewend is nie, maar uiterlike omstandighede met die ‘n rol speel
en nou ook steeds meer die suiwer waarheid in gevaar bring, wat egter nie
ingesien word nie, vanweë die on-ontwaakte gees van die leerkragte wat
hulself so benoem het.
Maar die mense aan wie die evangelie verkondig moet word, word die reg
ontsê om ‘n eie oordeel te vorm en hul onsekerheid uit te praat oor die
onvoorwaardelike waarheid van dit, wat hulle geleer word. Die wat hulself
as geestelike leiers beskou was van hul missie en die waarde daarvan
oortuig en verdra geen teenspraak nie. En diegene wat onderrig word, word
verplig om onbeproef alles as waarheid te aanvaar wat hul aangebied word.
Die waarheid kon dus alleen solank suiwer behoue bly, solank die
behoeders self ‘n ontwaakte gees gehad het. Maar spoedig was die aantal
van hulle wat in “amp en waardigheid” aangestel was, sonder om deur My
Gees verlig te wees oorwegend groter. En elke teenwerping van ‘n
geestelike gewekte mens word verwerp. Die mag van hulle wat onverlig
was styg onophoudelik, die suiwer waarheid word vermeng met dwalinge,
met opvatinge wat die resultaat was van menselike denke en deur hulle as
“Godelike waarheid” voorgestaan word. En as geestelike ontwaakte mense
probeer het om die dwaling te verwyder het dit My teenstander geluk om
dit so te hou, want die mag van sy aanhangers was reeds te groot en die
suiwer waarheid word nie meer as sodanig herken nie. En so kan julle dit
so indink dat in die loop van die tyd iets anders as die kerk van Christus
ontwikkel het as dit, wat deur My op aarde gegrondves was.
Alleen so is dit te verklaar dat ‘n organisasie tot mag kom en dat daar
binne in hierdie organisasie steeds weer skeuringe ontstaan, terwyl Ek die
deur My gestigte kerk steeds alleen as ‘n geestelike gebou beskou wil hê,
wat alle mense bevat wat in die waarheid lewe as gevolg van ‘n lewe in
liefde en wat ’n lewende geloof en ‘n ontwaakte gees het. En hierdie
innerlike kerk bestaan nou nog, want My Gees word nog steeds uitgestort
op mense wat hulle bes doen om in die liefde te lewe en My wil te vervul.
En so kan aan hulle steeds weer die suiwer waarheid geopenbaar en alle
dwalinge onthul word. En elke mens wat ernstig na die waarheid verlang
sal ook opheldering gegee word; hoe dit kom dat die mensdom in ‘n
verwarde denke kon kom en ook nie bereid is om daarvan vry te raak nie.
Nou sal dit vir elkeen begryplik wees dat die massa nooit vir die waarheid
ontvanklik is nie, maar met die dwaling bereidwillig saam stem. Daarom
moet elkeen afsonderlike hom probeer losmaak van verkeerde opvatinge,
111