Deel 4 - Nuweopenbaring::: Welkom by Die Nuwe Openbaring

Word daar nou egter aan die einde van ‘n verlossingsperiode ‘n
skeppingswerk deur My wil totaal verander, om weer nuwe moontlikhede
tot opwaartse ontwikkeling te kan verskaf, dan kan daar ook weer
skeppingswerk ontstaan wat in ‘n oomblik deur My geskep word. Want ook
dit is in My heilsplan vanaf ewigheid voorsien, sonder om die wet van die
ordening daarmee omver te gooi. Want die geestelike, wat homself op die
terugweg bevind, is in alle grade van volwassenheid aanwesig, juis deur die
eindeloos lang pad van ontwikkeling voorheen op die ou aarde.
Alles is reeds aanwesig en word alleenlik verander in die harde materie of
in die reeds sagtere vorm van die plante en dierewêreld. Deur die
geweldige verwoesting sal alles vryraak, maar kan tog nie in sy nog
onvolwassee toestand vrygelaat word nie. Dit wat met die bestaande graad
van volwassenheid ooreenstem, moet opnuut in die materiële vorm ingelyf
word. Steeds weer sal ook die, tot nou toe verharde geestelike substansie,
die ontwikkelingspad kan begin in die binneste van die aarde wat ook totaal
in opstand kom en geestelike substansies vrylaat en daardeur die verharde
geestelike ruimte verskaf, as in die geval al van ruimte gepraat kan word.
Maar alle skeppingswerk staan as’t ware ter beskikking vir die opneem van
die tot in die diepste gevalle geestelike, wat sy ontwikkelingsweg moet
begin. Maar hierdie geestelike substansies het weer ‘n ewige lange tyd
nodig, totdat dit eenmaal na die aardoppervlakte kom om hulle
ontwikkeling te kan voortsit.
En al is die omvormingswerk op hierdie aarde die werk van ‘n oomblik, tog
gaan alles volgens die wetlike orde. En omdat sulke werk, wat in ‘n oomblik
plaasvind, nie voor die oog van die mense kan plaasvind nie, (waar julle
nog nie die hoogste graad van voleinding bereik het om sulke verandering
deur My mag en krag te kan begryp nie), word die mense wat aan My trou
bly tot aan die einde, weggeneem. Hulle belewe wel die vernietigingswerk
waarvoor Ek hulle oë sal open, maar hulle sal nie die ontstaan van die
nuwe aarde sien nie, elke tydsbegrip sal hulle ontneem word totdat hulle op
die nuwe aarde geplaas sal word, tot hulle die voltooide nuwe skepping in
alle heerlikheid kan aanskou en dit in besit mag neem.
Dit is ook onbelangrik in welke tempo die nuwe aarde ontstaan het. Maar
omdat Ek My heilsplan van ewigheid af aan julle openbaar, daarom laat Ek
julle ook weet dat dit vir My geen tyd sal kos nie. Want My wil kan elke
gedagte van My op dieselfde oomblik verwesenlik. En My liefde en wysheid
sien ook wat goed en geskik is vir die uiteindelike terugkeer van die
geestelike wat eens in vrye wil van My afgedwaal het.
Daar sal altyd ‘n klein deeltjie van die geestelik ontwaak om dit, My
verlossingsplan, te kan verstaan. Maar vir hulle wil Ek die "lig" laat skyn oor
die skeppingsgeheime om sodoende hulle liefde tot My steeds warmer te
laat ontvlam. Want juis My heilsplan van ewigheid af is die mees
verblydende vir alle wesens, want daarin is My Liefde, Wysheid en Mag
geopenbaar.
150