Deel 4 - Nuweopenbaring::: Welkom by Die Nuwe Openbaring

Valse christusse en valse profete
8290 3 Oktober 1962
Toe Ek op aarde geleef het, het Ek julle gewaarsku teen valse christusse en
valse profete want Ek wis, hoe My teenstander teen My en teen die
waarheid uit My sou ageer. En steeds weer sal My waarskuwings vir julle
bly geld, sodat julle nie aan hierdie valse christusse en profete ten offer val
nie.
Dog wanneer van valse christusse en profete gepraat word dan moet daar
dus ook regtes wees. Daarom kan julle mense nie alles verwerp wat julle
deur My aangebied word nie. Ek, Wie My bekend maak deur die mond van
ware profete, want Ek ag dit nodig dat julle suiwere waarheid gestuur word.
Julle mag dus nie met die valse geestelike opvattinge ook die regte afwys
nie. Want tot aan die einde toe sal Ek My steeds weer deur sulke mense
openbaar wat die voorwaardes besit om deur Myself aangespreek te kan
word. Wat as My ware dienare hul amp uitoefen wanneer hulle die
geestelike Woord, wat hulle van Myself ontvang, in die wêreld uitdra.
Hoe anders sal die waarheid na die aarde gebring kan word, omdat Ek Self
die mense, vanweë hul vrye wil, tog nie duidelik verneembaar uit die Hoë
kan aanspreek nie? Julle almal het die reg, maar ook die plig om alles wat
julle as waarheid voorgelê word te beproef. En julle is ook daartoe in staat
as julle Myself as die EWIGE WAARHEID om ondersteuning aanroep. En as
julle maar van goeie wil is, sal julle ook seker die waarheid van die leuen
kan onderskei. Bowendien het Ek Self julle ‘n kenteken van die waarheid
gegee: Dat julle steeds opheldering gegee moet word oor Jesus Christus en
Sy verlossingswerk. En so kan julle dus alle geeste geloof skenk deur wie
julle hierdie boodskap ontvang: dat Ek in Jesus Christus julle Verlosser is.
Julle, mense mag nie by Jesus Christus verbygaan nie. Julle moet die
verlossingswerk leer begryp en alles weet wat daar aan die verlossingswerk
ten grondslag lê, dat Ek Self My in die mens Jesus beliggaam het. En juis
omdat hierdie kennis uitermate nodig is as die mense hul doel wil bereik,
daarom sal Ek Self hul ook waarheidsgetroue opheldering gee, wat deur My
openbaringe geskied, wat Ek deur geskikte werktuie na die aarde stuur.
My openbaringe is egter nooit gelyk te stel met boodskappe uit die
geesteryk wat op mediamieke wyse aan die mense oorgebring word nie.
Julle moet dus leer onderskei tussen My werksaamheid, die inwerk van God
in die mens deur die Gees en die werk van geeste, mededelinge wat julle
mense gegee word, waarvan julle egter die oorsprong nie kan vas stel nie.
Maar wie ernstig beproef, hom sal sy hart sê wie tot hom spreek. Julle
moet egter ‘n ernstig ondersoek doen voordat julle oordeel, want julle kan
My nie as leuenaar wegsit nie, omdat Ek Self julle gedurende My aardse
lewenswandel die werk van My Gees beloof het. Ek Myself het julle toe gesê
dat Ek julle die Trooster sal stuur, die GEES van die WAARHEID, wat julle in
alle waarheid sal lei. "Wie My gebooie onderhou, dit is hulle wie Ek liefhet,
aan hom wil Ek My openbaar". "Julle sal almal deur God onderrig wees".
60