Deel 4 - Nuweopenbaring::: Welkom by Die Nuwe Openbaring

Ongeïdentifiseerde vlieënde voorwerpe(UFO’s) -
Begogeling deur die teenstander
8623 22 September 1963
Julle sal nog dikwels in groot twyfel gedompel word en daartoe gebring
word om vrae te stel, want in die eindtyd moet julle nog bedag wees op
groot verrassings wat vir julle van die kant van My teenstander berei word.
Hy sal vir geen middel terugdeins, om julle mense in die war te bring en
julle van die waarheid af weg te hou nie, hy sal alles doen om julle
gedagtes af te lei van julle eintlike siele-arbeid en hy sal daarby listig te
werk gaan, sodat dit moeilik sal wees om sy aktiwiteite te herken as
satanies, want steeds sal hy homself met ‘n liggewaad kamoefleer. Hy sal
aan julle voorgee dat julle beskerm word, dat daar vir julle hulp in aardse
nood kom van "bo" in die gedaante van ligwesens, van bewoners van ander
hemelliggame, wie hulself oor die mense ontferm. Want hy sien die chaos
wat daar op die aarde heers baie goed in en benut dit ook nog vir sy eie
doeleindes, om die verwarring nog groter te maak.
Daar is egter in My opdrag, tallose ligwesens bereid om julle mense wat
hulp wil hê, dit dan ook te verleen, sowel geestelik asook aardse, maar hul
werksaamheid sal slegs suiwer geestelik wees. Hulle sal op die denke van
julle inwerk, hulle sal julle met sagte drang na My in Jesus Christus lei,
hulle sal julle lotgevalle lei sodat julle siele voordeel daaruit kan trek. Hulle
sal julle deur middel van gedagtes goeie raad gee en julle kan hulle ook in
al julle nood om hulp aanroep, sodra julle met My verbonde is, sodat Ek
dus die ligwesens die opdrag kan gee om julle by te staan.
Maar vir al hierdie hulpverlening is daar waarlik geen dinge nodig wat vir
julle sigbaar sal wees nie. Die ligwesens sal julle nie benader deur hulself te
laat manifesteer, of hulself van sulke voorwerpe te bedien wat julle met
julle oë sou kan waarneem nie. Want die bewoners van die ligwêreld, die
bewoners van My ryk, wat Ek die opdrag gee om julle hulp te verleen, het
geen omhulsel wat vir julle sigbaar is, nodig om hulle wil ‘n werklikheid te
laat word nie. Dit is geestelike wesens wat altyd net geestelik op julle
inwerk.
My teenstander werk egter anders op julle in, hy probeer julle verblind, hy
wil die mense laat glo dat boaardse wesens hulself die lot van die bewoners
van die aarde aantrek en hy dra sy aanhangers op om skynligte te laat
opflikker, want dit is sy doel om die mense van ‘n oorgawe aan hulle God
en Skepper te laat afsien, dat hulle hulself na hierdie wesens wend, hulself
aan hulle toevertrou en daardeur onder sy heerskappy kom. En hy het teen
die einde groot mag wat hy waarlik goed vir homself sal benut.
Ek kan julle mense steeds maar net waarsku teen liggelowigheid. As julle
glo dat wesens van ander hemelliggame die aarde nader om julle die een of
ander hulp te verleen, dan moet julle eers nadink dat alle sigbare
hemelliggame bewoon is deur wesens wat tot volle ontwikkeling moet kom,
267