Deel 4 - Nuweopenbaring::: Welkom by Die Nuwe Openbaring

met My tot stand bring en daardeur in ‘n regstreeks kontak deur My kan
ingelig word. Maar hulle sal geen sukses hê by hul medemens nie, want die
sal of nog te veel aan hul geestesrigting gebind wees en te min
weerstandsvermoë hê om hulle openlik uit te spreek as hulle die waarheid
ingesien het, of hulle word vervolg en hul werk vir My en My ryk word
belemmer. Want die mag van hom wat My teenstander en vyand is, is
groot, maar dit is hom deur die mense self gegee omdat hulle almal blinde
meelopers is, wat sonder om na te dink gedagteloos alles aanneem wat hul
voorgesit word en dit dan nie meer wil laat los nie. Daarom is die aantal
van My ware verteenwoordigers op aarde nie baie groot nie, maar hulle
alleen wandel in die waarheid en kan dit daarom ook deurgee.
As die mense hulle maar eens sou afvra of hulle werklik in die waarheid
wandel en as hulle dan met verlange na die waarheid My innig sou bid om
verliging van hul gees! Maar hulle is meestal onverskillig en hulle neem ook
geen standpunt in teenoor die geestelike leering wat hul gebring word. En
hulle weet nie wat die uitwerking van die onverskilligheid op hul siele is nie,
wat die gevolge moet dra as hulle die ryk hierna ingaan.
Daar is maar min wat vir My en My Naam werk, maar deur hulle bring Ek
die suiwer waarheid na die aarde en maak dit toeganklik vir elke mens wat
ernstig na die waarheid soek. Maar Ek dwing niemand om dit aan te neem
nie, soos Ek ook geen mens onvermydelik daartoe bring om die suiwer
waarheid regstreeks van My aan te neem nie. Die vrye wil beslis alles en
die tas Ek nooit aan nie. Hierdie vrye wil gee julle ook die verklaring waar
julle om vra, nl. waarom Ek so'n misvorming van die waarheid toegelaat
het.
Elke mens kan die liefde in hom laat ontvlam en dit steeds helderder laat
skyn. En hierdie liefde sal dan ook die lig van insig uitstraal. En het hy nou
die wil om in die waarheid te wandel, dan sal hy ook die knoeiwerk van My
teenstander, wat altyd probeer om die waarheid te ondermyn, herken. Hy
sal dan tot Myself kom en van My opheldering verlang, wat Ek hom dan ook
seker laat toekom.
En so sal die mense wat bereid is tot liefde en in die liefde werksaam is, die
misvormde leer teen die bors stuit en die waarheid met verlange aanneem.
En ‘n liefdevole mens sal altyd Myself voor alle kerklike organisasies plaas,
ongeag welke geestelike rigting hulle verteenwoordig. Hy sal altyd eers die
weg tot My neem en so dus aansluit by die kerk wat Ek Self op aarde gestig
het, op’n lewend geloof, wat afhang van ‘n lewe in liefde.
Tot hierdie kerk moet julle almal behoort, want hierdie kerk is die eenigste
saligmakende kerk. Hierdie kerk is ‘n geestelike gemeenskap van alle
gelowe en sy lede kan uit alle geestelike rigtings kom. Hulle moet alleen die
gebooie na kom wat Ek Self op die aarde gegee het, nl. die gebooie om God
lief te het en die naaste. En dan sal hulle ook tot ‘n lewend geloof kom en
dit sal die werk van My Gees in hulle moontlik maak, wat die kenmerk is
van die kerk wat Ek op aarde gestig het.
338