Deel 4 - Nuweopenbaring::: Welkom by Die Nuwe Openbaring

Dus kan Ek die wese nie van sy skuld bevry teen sy wil nie en Ek kan hom
ook solank nie met My Liefde gelukkig maak tot My geregtigheid
genoegdoening gegee is nie, waartoe die wese self bereid moet wees. Vele
van die deur My in die lewe geroepte geestelike wesens het teen My
gesondig. Hulle het sondig geword en aan My eindelose Liefde word
beperkinge opgelê, omdat My geregtigheid nie toelaat dat die Liefde
werksaam kan wees soos vroeër nie, dat Ek dus die wesens onmeetlik
gelukkig maak.
En daarom sou hierdie wesens vir ewig verban gewees het uit die
stroomkring van My Liefde, as daar nie aan My geregtigheid sou voldoen
word nie, wat egter die wesens self nie kan doen nie, waartoe hulle totaal
nie by magte was deur hul afwering van die krag van My Liefde, waaruit hul
groot sonde bestaan. Tog moes genoegdoening gegee word volgens die wet
van die Goddelike orde, as die wese ooit opnuut deur My Liefde deurstraal,
dus gelukkig gemaak, sou kan word.
En die werk van versoening volbring die mens Jesus uit liefde vir My en vir
die mensdom, waarvan Hy die rampsalige toestand insien en dit wil ophef
op grond van Sy Liefde. Daardeur word daar aan My geregtigheid voldoen
en My Liefde kon nou op die voorgrond tree en Hom keer na die wesens
wat eens van My uitgegaan het en hul weer ‘n saligheid berei wat alleen Ek
Self as die ewige Liefde hul ten deel kan laat val, wat egter ook elke wese
onmeetlik gelukkig maak.
Deur die vroeëre sonde van die afval van My word My van die kant van
hulle wat sondig geword het, ‘n beperking van My Liefde opgelê, omdat Ek
nie teen die wil van ‘n wese in, hom die krag van My Liefde kan laat toekom
nie. En selfs wanneer hy sy weerstand opgee, moet die wese eers vry wees
van sy sondeskuld om My Liefde weer te kan ontvang, omdat die
geregtigheid dit eis, wat tot My volmaakte Wese behoort en omdat Ek ewig
nie die wet van orde ongedaan kan maak nie, wat gegrondves is in My
volmaaktheid.
Die mens Jesus vervul die wet. Hy leef heeltemal in die Goddelike orde, Hy
sien egter ook die lewenswandel van sy medemens, wat geheel teen die
wet van die Goddelike orde in gerig was en Hy neem al hul sondeskuld op
Sy skouers en bring My ‘n ontsettende groot offer om die sondeskuld van al
die eens gevallenes te delg. En Ek neem die offer aan en vir My volstaan dit
as kompensasie vir die onmeetlike sondeskuld wat die van My afgevalle
wesens en dan ook die mense op hulle gelaai het. Ek neem die offer van
die mens Jesus aan, wat alle mense wil verlos van die sonde. Want die
Liefde in Hom bring die offer, die LIEFDE was egter Ek Self.
Dus het die Liefde die skuld tot niet gemaak, wat egter nie moontlik sou
gewees het sonder ‘n boetedoening wat Ek alleen maar kon volbring in die
omhulsel van ‘n mens wat in staat en gewillig was om te ly nie, Wie self
onmeetlik gely het as kompensasie vir die sondeskuld van die gevallenes.
En gevolglik is die geregtigheid nie omseil nie, dit word genoegdoening
196