Deel 4 - Nuweopenbaring::: Welkom by Die Nuwe Openbaring

nood, omdat My hulp aan hulle duidelik sigbaar sal wees. En hulle sal nou
ook nog hulle medemens troos en krag kan gee, deurdat hulle ook gewys
word op My, wat alleenlik hulle toestand kan verbeter, maar wat ook uit die
diepste van die hart aangeroep wil word.
Ook die laaste ingryping van My kant af voor die einde sal ‘n baie groot
barmhartigheid wees, ofskoon die meeste mense aan My Liefde sal twyfel,
ja wat selfs openlik ‘n God sal verloën wat so ‘n ongeluk oor die mense laat
kom. Maar dit sal nie meer lank duur tot die einde nie. En daarom moet
alles betyds probeer word om mense te red van die lot van die hernude
kluistering in die skepping van die nuwe aarde, omdat die lot so verskriklik
sal wees dat julle, mense, nie in staat is om dit vir julle voor te stel nie.
En EK wil julle daarteen beskerm, daarom wend EK dus nog hierdie middele
aan, wat ‘n klein resultaat beloof, ook wanneer julle daar aan twyfel dat dit
die werk is van ‘n lewende God, wat in Homself Liefde is.
Dit gaan vir My slegs daaroor dat die mense in hulle nood aan My dink, dat
hulle hulself opdra aan My, dat hulle My in hulle harte erken en dan ook nie
verlore gaan wanneer hulle weggeroep word van die aarde af nie, want dan
is hulle ook vir hulle vaart omhoog in die ryk hierna verseker.
En as hulle die gewelddadige natuurgebeure oorleef, dan sal hulle My ook
nie meer opgee nie en aan hulle almal is nog ‘n tyd van barmhartigheid
verleen tot aan die einde, waarin hulle ‘n beslissing ernstige kan neem,
terwyl hulle nog besluiteloos is.
Die tyd loop ten einde en daar wag nog baie probleme vir die mensdom.
Maar die wat in My glo, kan ook hierdie tyd met ‘n geruste hart tegemoet
gaan, want hulle sal steeds My hulp ondervind en hierdie nood sal ook
verbygaan, sodra die doelwit bereik is. Want spoedig kom EK Self en kom
haal die wat Myne is van hierdie aarde af, wanneer die laaste dag gekom
het, soos wat dit voorsien is in My plan van die ewigheid af. Amen
Gee aandag aan die boodskappers van God langs die
pad
8316 1 November 1962
Ek sal altyd My Wil in julle harte plaas, as julle My slegs om duidelikheid
vra oor wat om te doen. Dan weet Ek dat julle angstig is om My Wil te doen
en waarlik, julle sal geen verkeerde besluite neem nie. Ek sorg vir elke
individu, want elkeen benodig krag vir sy groei; maar wie bereid is om die
weg na bo te neem moet ook op alle tekens, asook boodskappers let wat
hulle langs die pad bevind, omdat daar altyd afdraai weë sal wees wat na
die diepte lei, waarteen dit noodsaaklik is om te waarsku.
En dit is juis hierdie verkeerde weë wat aanvanklik so verleidelik is, hulle is
so aansienlik vir die oog, so prikkelend dat ‘n mens geneig is om daarop te
gaan in die hoop om meer stimulasie te kry. Maar hulle lei na die donkerste
ruigtes, waarvan die reisiger homself nie kan bevry nie en om hulp moet
71