Deel 4 - Nuweopenbaring::: Welkom by Die Nuwe Openbaring

liefde tot My, en van hulle sterk geloof. En hierdie kan Ek nou ook beloon
met ‘n lewe in die paradys op die nuwe aarde, waar hulle as stamouers van
die nuwe mensegeslag weer hierdie aarde sal bewoon.
Eens moet die wetlike ordening weer op aarde herstel word en hierdie tyd
waarin geen verbetering van die mensegeslag meer te verwag is nie, het
nou gekom. Maar die opinies loop in hierdie eindtyd nog uiteen en Ek sal
daarom waarlik alles doen om te red wat nog nie geheel aan die
teenstander verval het nie. En slegs ‘n goeie wil is nodig om tot erkentenis
te kom of Ekself, of My teenstander aan die werk is. Veral, wanneer daar
dinge gaan gebeur wat ongewoon skyn te wees en ‘n "KRAG" vertoon sal
word wat bo die natuurlike krag van ‘n mens sal uitgaan.
Maar as julle vir My en die waarheid wil erken, dan sal julle ook van
misleiding behoed word. Is julle sin en julle strewe egter nog op die wêreld
gerig, dan sal julle ook deur die wêreld beïnvloed word en deur hom, wat
meester is van die wêreld en sy mag, ook wêrelds tot uitdrukking bring.
Dan het hy julle gewen om julle weer te verloor, want die wesenlike word
hom weer ontneem sodra die einde gekom het. Ek is waarlik Majesteit van
Hemel en aarde. Aan My is onderworpe die ryk van die lig en van die
duisternis en Ek weet wanneer My teenstander sy bevoegdheid oorskry. En
daarom stel Ek aan hom ‘n einde soos dit verkondig is in woord en geskrif,
omdat die tyd dan gekom het waarin alles volgens die ewige ordening weer
in die korrekte toestand gebring moet word. Amen
Het die mens ontwikkel, of is hy nuut geskape ?
8235 9 Augustus 1962
Daar kan geen teenspraak wees in die geestelike goed wat julle deur Myself
ontvang nie en wat My gees julle laat toekom deur hulle wat in My diens
staan nie. Julle het opdrag om die suiwer waarheid van My aan die
medemens deur te gee en My Woord uit te dra wat hulle opheldering moet
gee. Want Ek wil die geestelike duisternis waarin die mense wandel verlig,
veral, wanneer julleself na opheldering verlang.
Die skeppingswerk van die aarde het eindelose tye nodig gehad om te word
wat dit nou is, ‘n skeppingswerk wat vir die mensdom die laaste voltooiing
moet bring. Gedurende hierdie eindelose lang tyd, het die, in die kleinste
deeltjies opgeloste oergeeste, deur tallose skeppingswerke gegaan om
hulself steeds hoër te ontwikkel en die verstarde geestelike het langsaam
tot lewe gekom, soos Ek dit al dikwels aan julle geopenbaar het.
Hulle het die eindelose lang weg in die "jy moet toestand" afgelê, dit wil sê,
alle skeppingswerke het die bestemming volbring wat Ek hulle toegewys
het. Geeneen van die gekluisterde wesens kon oor homself beslis nie, hulle
ontwikkel hulself langsaam verder en hulle word steeds in nuwe vorme
geskape vir elke graad van volwassenheid vir die opwaarts strewende
geestelike. Die minerale-, plante- en dierewêreld was oneindig veelvoudig
in hul vorme, en alles was besield deur die partikeltjies van die gevalle
21