Deel 4 - Nuweopenbaring::: Welkom by Die Nuwe Openbaring

Die geloof aan God in Jesus Christus
8541 26 Junie 1963
Dit is alleen nodig dat julle glo in My en die weg na My neem as julle in
nood verkeer, dat julle dan as kinders na die Vader vlug, Wie julle sal
versorg in alle geestelike en aardse nood omdat julle julleself aan Hom
toevertrou. Steeds weer lê Ek daar nadruk op, dat julle julleself alleen met
My moet verbind in gedagtes, deur werksaamheid in liefde en deur gebed,
en waarlik, julle kan dan nie meer verlore gaan nie omdat die verbintenis
met My julle ook My hulp verseker om vry te word van My teenstander en
weer terug te keer tot My, van Wie julle eens uitgegaan het.
Weliswaar kan julle ‘n God en Skepper nie bewys word nie, julle moet in
Hom glo, maar is julle daartoe gewillig, dan sien julle in alles wat julle
omgeef vanself die bewys wat van My getuig. Dan kan julle deur nadenke
tot geloof aan My kom. Ek wil dat julle nie onnadenked deur die lewe gaan
nie, dat julle nie alleen aandag skenk aan die wêreld en glo dat julle aardse
lewe julle doel in sigself is nie. Julle moet julleself steeds weer die vraag
stel, waarom en waartoe julle op die wêreld is, om dan ook die gedagtes
aan ‘n God en Skepper op te neem wat as golwe om julle sirkel. Want dit is
die sin en die doel van julle aardse lewe, dat julle insien dat daar ‘n God en
Skepper is en verlang om julleself met Hom in verbinding te stel.
Dan sal hierdie God en Skepper julle ook omvat en ewig nie meer laat los
nie. Hy sal julle ook die kennis laat toekom oor Jesus Christus, julle
verlosser. Want tot Hom moet julle gaan sodat julle, julle swakhede
verloor, sodat julle weg omhoog verseker is. Want al erken julle My wel,
julle sal tog te weinig wilskrag hê om ernstig na My te strewe, omdat julle
daartoe te swak is as gevolg van julle sonde van die afval van My van
weleer. En sodat julle wil versterking vind het die mens Jesus aan die kruis
gesterf, om vir julle die genade van ‘n versterkte wil te verwerf.
Ek Self kom julle te hulp in julle groot geestelike nood wat die gevolg is van
julle oersonde. Ek Self volbring in die mens Jesus die verlossingswerk om
julle skuld te delg. Nou het ook vir julle die terugkeer tot My moontlik
geword as julle tot Jesus Christus bid om krag, as julle, julle sondeskuld
aan Sy voete lê en ‘n ernstige wil toon om terug te keer tot die Vader, Wie
in Jesus Christus Sy intrek geneem het, Wie Hom met Hom verenig het tot
in alle ewigheid. En of julle nou glo in God as Skepper of as Verlosser, nooit
sal julle aan hierdie God geskei van Jesus Christus kan dink nie, want God
en Jesus is een, God bedien Hom van ‘n menslike liggaam wat deur die
mense “Jesus” genoem word, wat egter My in alle volheid in Hom dra. Ek
het alles geskape, uit My kom ook die menslike vorm Jesus voort wat Ek
Self tot omhulsel kies om onder die mense te kan vertoef. Julle, mense het
ook uit My Wil voortgekom maar julle skei julle eens vrywillig van My, want
die verbintenis met My word alleen deur die liefde tot stand gebring, maar
julle gee dit eens vrywillig prys. Daarenteen was die mens Jesus met liefde
deurstraal en het dus My Oersubstansie in Hom, want dit is Liefde. Dus
218