Deel 4 - Nuweopenbaring::: Welkom by Die Nuwe Openbaring

Julle, mense, is “ek-bewuste” wesens. En julle is slegs daarom ek-bewus,
omdat julle liggaamlike omhulsel ‘n oergees in homself dra wat as ‘n ek-
bewuste wese eens uit My voortgekom het. Dus nie julle liggaam, julle
verstand, veroorsaak by julle die “ek-bewussyn” nie. Dit is die siel wat julle
eintlike lewe is en wat ook die mens eers tot ‘n “ek-bewuste” wese laat
word. Want sonder hierdie siel is die mens slegs ‘n stoflike uiterlike sonder
lewe, ook al is alle organe aanwesig, wat egter sonder die siel geen enkele
funksie kan uitoefen nie. Hierdie uiterlike vorm, die liggaam, het die siel
nodig om te kan lewe: ‘n Oergees, wat die liggaam eers lewend kan laat
word en hom tot elke werksaamheid in staat stel. Julle, mense moet julle
steeds voor oë hou dat julle met ‘n bepaalde doel oor die aarde gaan en
julle sodoende die beweegredes en die doel daarvan moet probeer
deurgrond. Dan sal julle ook uitsluitsel gegee word deur gedagtes wat Ek
julleself sal ingee, sodat julle tot insig kan kom. Steeds weer sal Ek My
bodes aan julle stuur en deur hulle probeer om julle daartoe te bring om na
te dink. Dit sal julle waarlik maar net tot seën wees as julle nie onverskillig
deur die lewe gaan nie, maar ook die gawe van die verstand benut, wat
julle tot die korrekte houding teenoor julle God en Skepper kan voer en
julle dan ook verseker tot die korrekte insig sal laat kom. Want Ek dra
waarlik sorg vir elke mens afsonderlik, sodat hy die kort barmhartigheids
tyd as mens goed gebruik en sy einddoel bereik, dat sy siel weer terugkeer
tot My, van Wie hulle eens as geskape geeste uitgegaan het. Amen
Onderskeid in "die werksaamheid van die gees" en
"die ontvang op mediumieke wyse"
(Mediumiek = ‘n geestelike wese Wat hom uiter deur die mond
van ’n mens(medium) wat homself ontdoen het van sy eie wil)
8416 19 Februarie 1963
Julle moet altyd besef dat die waarheid oral verspreiding moet vind, dus
moet Ek dit ook oral na die aarde stuur en dit is altyd moontlik, sodra ‘n
mens die voorwaardes vervul wat aan die werksaamheid van My Gees in ‘n
mens verbonde is. As eerste moet die bereidwilligheid om My te dien ‘n
mens aanspoor om homself met My in innige verbinding te stel en hy sal
ook aangeneem word as kneg in My wingerd. Hy sal dan ook ‘n lewe in
liefde lei, waar hy homself nie andersins aan My as medewerker sou
aanbied nie. Die liefde is dus eweneens ‘n voorwaarde dat Ek hom kan
uitkies as ‘n bruikbare houer, waarin Ek My Gees uitstort. ‘n Verdere
voorwaarde is die sterk lewende geloof dat Ek as Vader spreek tot My kind,
as hy My aanspreking verlang. En weer ‘n onvermydelike voorwaarde is,
dat sy verlange om in die volle waarheid onderrig te word hom vervul en hy
homself daarom tot die Ewige Waarheid Self wend om dit te ontvang.
Nou sal julle wel sê dat al hierdie eise deur baie mense vervul word en Ek
daarom My regstreekse aanspreking tot baie mense sou kan rig. En
gevolglik sal julle ook mededelinge uit die geestelike wêreld liggelowig
131