Deel 4 - Nuweopenbaring::: Welkom by Die Nuwe Openbaring

Die dra van leed vir julle medemens
8508 25 Mei 1963
Ook daaroor sal julle uitsluitsel gegee word, of julle vir julle medemens leed
kan dra of dat elkeen self die maat op homself moet neem wat hom vir die
heil van sy siel opgelê is. Julle mense moet in ag neem dat julle siele
tydens die aardse lewe moet volwasse word, dat die nog onvolwasse
substansies hulle moet vergeestelik. Maar dit geskied alleen deur liefde of
leed, want alleen daardeur word die omhulsel opgelos wat belet dat My
liefdeslig die siel kan binne straal.
En tegelykertyd besorg ook die substansies van die liggaam nog dikwels
moeilikhede, wat in hul ontwikkeling nog agter is en siekte van allerlei aard
veroorsaak. Wat egter deur geduld, liefde en berusting in My wil versag en
daardeur vergeestelik moet word, wat tog julle eintlike opdrag is op aarde
sodat julle, julle siele die hoogs moontlike volmaaktheid besorg.
Hierdie vergeesteliking van siel en liggaam moet elke mens by homself tot
stand bring. Die werk kan nooit deur ‘n medemens uit julle hande geneem
word nie, elke mens sal My ook eens dankbaar wees dat Ek hom deur
lyding help om volmaak te word. Daarom moet julle begryp dat julle eintlik
niks moet onderneem teen dit wat die siel van julle medemens tot heil kan
strek nie.
Wanneer die liefde julle egter dryf om julleself tot My aan te bied om die
leed vir ‘n medemens te dra, dan sal Ek julle in julle liefde nie hinder nie.
Die leed word dan van die mens vir wie julle wil ly tydelik weggeneem en
julle word daarmee in sy plek belas. Daardeur verhoog julle dan die
volwassenheid van julle siele, omdat julle gewillig is om meer leed op julle
te neem en omdat die liefde julle daartoe aanspoor.
Julle volg Hom dan na Wie vir julle almal gely het om julle van die
onmeetlike lyding te bevry, wat julleself op julle moes neem as versoening
vir julle sondeskuld, wat die aanleiding was dat die aarde vir julle mense ‘n
dal van ellende en lyding is. Maar julle mense het nou almal Hierdie Een,
Wie ook nou nog julle leed op Sy skouers neem en dit help dra. Die boete
wat Hy vir julle in julle plek gedoen het, het Ek aangeneem, en daarom
moet julle tot Hom gaan as leed julle druk. Hy sal julle dan help dra of dit
van julle wegneem, na gelang wat die beste vir julle is.
Die liefde van ‘n mens wat vir ander wil ly word baie hoog gewaardeer.
Hulle sal die lydende ‘n groter toevoer van krag verseker omdat liefde ‘n
krag is, wat ‘n duidelike merkbare uitwerking op die lydende mens het.
Wanneer ‘n mens dus aan julle die lyding met ‘n liefdevolle voorspraak laat
toekom, kan die krag van die liefde julle so vervul dat julle die swaarte van
julle leed nie meer so erg voel nie. Dat dus die smart en kwellinge tydelik
by julle verby gaan omdat die krag van die liefde julle siele ten goede kom,
dat hy dus volwasse word en bowendien minder gevoelig is vir pyn.
199