Deel 4 - Nuweopenbaring::: Welkom by Die Nuwe Openbaring

voorwerpe en hulle insittendes kon sien, wat egter nooit die geval sal wees
nie, want aan hulle gee Ek opheldering oor die dwaling en onderrig hulle in
die suiwer waarheid. Hulle wat egter sulke beweringe glo en opstel, kan nie
in hulle gees verlig wees nie, hulle jaag steeds net suiwer aardse
doeleindes na en glo die beloftes van hom, wat die mense wil weghou van
die innige verbinding met My, wat die enigste waarborg is vir ‘n redding
aan die einde van hierdie aarde, wat julle te wagte staan.
Glo dit tog, dat dit vir My waarlik moontlik is om elkeen persoonlik
beskerming te gee en hom ook aan die einde van hierdie aarde weg te
neem, want die ondergang van die aarde, in die toestand waarin hy
homself nou bevind, is onvermydelik. En glo dat Ek ontelbaar baie engele
daar het wat gereed is; dat hulle hulself egter nooit vooraf aan die mense
sal vertoon as bewoners van ander hemelliggame nie. En as Ek die suiwer
waarheid na die aarde stuur, omdat die mense dit dringend nodig het, dan
sou Ek julle waarlik ook daarvan in kennis stel as dit met die waarheid sou
ooreenkom. Maar Ek waarsku julle steeds teen bedrieglike kunste van My
teenstander in die laaste tyd voor die einde, wat homself sowel van aardse
aktiwiteite bedien om die mense te mislei, asook van die in verwarring
bring van hulle denke, omdat hy aan hulle kan suggereer sodat die mense
blindelings glo wat hulle voorgesit word, solank hulle nog nie vervul is van
'n waarheidsdrang nie, wat hulle dan egter ook steeds die suiwer waarheid
sal oplewer. Amen
Van God Self gaan die waarheid uit
8700 15 Desember 1963
Verlang na die waarheid en waarlik, hierdie geestelike bede sal vervul
word. Soek hierdie waarheid egter nie in boeke wat op menslike verstand
gebaseer is nie, wat suiwer verstandelike veronderstellings is, waarvoor
geen bewys gegee kan word nie. Want sodra julle veronderstel dat mense
uit hulself in staat is om die waarheid te deurgrond vergis julle julleself,
omdat die suiwer waarheid alleen in My sy oorsprong het, omdat Ek, Die
die EWIGE WAARHEID Self is.
Wat Ek onder die waarheid wat julle van Myself moet afsmeek verstaan wil
hê, is gedagtes met geestelike inhoud. Dit is ‘n verhewe kennis op
geestelike gebied wat nie bewys kan word nie. Dit is die kennis oor julle
bestaan se motivering en doel. Dit is die kennis van die Mag wat alles laat
ontstaan en oor die samenhang tussen julle mense en die Mag. Dit is die
kennis oor die Wese, die bestuur en werksaamheid van hierdie Mag, Wat
alles wat bestaan geskep het.
Om daaroor na waarheid opheldering te gee kan geen mens vanuit sy
verstand doen nie. Enkel alleen die EWIGE WAARHEID Self is bevoeg om
hierdie opheldering te gee en daarom moet julle julleself tot My wend. Ek
Self sal julle antwoord kan en ook wil gee, omdat Ek die hoogste Mag en
ook die Liefde is, wat julle as My skepsele met hierdie kennis wil verbly.
325