Deel 4 - Nuweopenbaring::: Welkom by Die Nuwe Openbaring

sodat hulle gewillig word om lief te hê, want die vermoë om lief te hê het
alle mense, omdat hulle deur My ‘n klein vonkie van My Gees toegevoeg is
vir sy lewe op die aarde.
En die bereidheid tot liefde kan ook weer alleen deur groot nood opgewek
word, dat moeilike slae van die noodlot die mense tref waarby hulle dan op
mekaar aangewys is en juis dan die wil om te help tevoorskyn kom as 'n
mens nie geheel verhard is en dus ‘n aanhanger van My teenstander is, wat
dan egter ook reddeloos verlore is as die tyd wat hom gestel is om sy siel
tot voltooiing te laat kom verby is. Sonder liefde is die aardse lewe
nutteloos, die siel wen niks nie en bly in sy ou toestand, as hy nie nog
verder afsink in die diepte waaruit hy hom al omhoog gewerk het en slegs
die laaste klim omhoog moes doen. Sonder liefde kom hulle geen stap
verder nie, en tot liefhê kan geen mens gedwing word nie. Dit is ‘n
aangeleendheid van die vrye wil, maar dit is die enigste moontlikheid om
die doel op aarde te bereik, dat die siel tot voltooiing kom en hom weer in
sy oerwese verander.
En dus moet steeds maar weer die Goddelike leer van die liefde verkondig
word, die mense moet steeds weer gewys word op die gebooie van die
liefde tot God en die naaste, steeds weer moet hulle deur nood en ellende
getref word, sodat die liefdevonk in hulle ontvlam en tot ‘n heldere vlam
word. En daarom lei Ek vir My op aarde weer lerare op, wat aan hul
medemens die liefde preek en hulle My Wil verkondig en hulle probeer in
lei, in die kennis wat alleen deur ‘n lewe in liefde verkry kan word.
Daarom stuur Ek ook nou weer My disipels van die eindtyd uit in die wêreld
om My evangelie te verkondig wat Ekself na die aarde stuur. Steeds weer
werk Ek duidelik sigbaar en op ‘n ongewone manier om geloof te vind,
omdat die mense hulle al te ver van die geloof afgekeer het, omdat hulle
die plek nie meer opsoek waar My Woord verkondig word nie en ook omdat
My Woord al krag verloor het terwyl die verkondigers van My Woord
geestelik nie ontwaak is nie.
Die mense moet tot lewe kom. Hulle moet leer om lewend te glo, omdat
hulle dan eers na My strewe en leer liefhê en dan ook opwaarts gaan in hul
ontwikkeling. Maar sonder liefde sal hulle op aarde niks bereik nie. Wat
daar ook gedoen word, steeds moet die liefde daar aan ten grondslag lê,
anders is dit dooie werk. Julle, mense moet dit alles weet en julleself dan
afvra wat julle beweeg tot al julle woorde, dade en gedagtes. En alleen as
die liefde julle daartoe aansit sal alles wat julle dink, spreek en doen, goed
wees in My Oë en julle ‘n hoër graad van volwassenheid oplewer. Waar
egter die liefde ontbreek daar is alles nutteloos. Want alleen vir die omkeer
van julle lewe tot liefde is julle op aarde en alleen dit is en bly julle doel,
dat julle julleself deur die liefde verbind met My, wie die “Ewige Liefde” Self
is. Amen
240