Deel 4 - Nuweopenbaring::: Welkom by Die Nuwe Openbaring

Elke skeppingswerk het sy bestemming en My Liefde, Wysheid en Mag het
dus ‘n aardse wêreld laat ontstaan wat al die gevalle sielspartikeltjies
omsluit, wat hulself nou langsaam positief ontwikkel, omdat hulle hulself
eens weer as ‘n afsonderlike individu sou aaneensluit. Omdat hulle weer
hulself as die eens gevalle oergees in ‘n mens sou beliggaam, om dan die
laaste wilsproef te deurstaan, naamlik om homself vrywillig na My te keer
soos wat hy homself eertyds vrywillig van My afgekeer het. Hierdie
eindelose lang ontwikkelingsgang beteken nou vir dié oerwese wat in
partikeltjies opgelos is, ‘n weg van dien in teenstelling tot die val, wat
veroorsaak was deur die arrogansie en die heerssug van die wese. Die
terugkeer kan slegs plaasvind deur onafgebroke diensbaar te wees, wat
nou in die "jy moet toestand" geskied en dat die wese tydens sy menswees,
vrywillig moet dien, aangespoor deur die liefde, wat dan ook 'n sekere
voltooiing op hierdie aarde waarborg. Dit is ‘n eindelose lang weg wat die
eens gevalle wese moet aflê, totdat hy in die toestand van wilsvryheid as
mens, sy laaste beslissing kan neem. En hierdie weg is so ontsettend
smartlik, dat die mens die herinnering daarvan ontneem word want hy
moet vry beslis. Om te weet van die lyding en die ellende in die
gekluisterde toestand, sou hom onvry maak in sy denke en wil as mens.
Want die angs sou hom dryf tot die korrekte beslissing, wat egter vir die
siel en sy voltooiing heeltemal waardeloos sou wees. Die mens moet vry en
uit liefde dien en homself daardeur tot voltooiing bring en daarom gaan hy
sy weg oor die aarde.
Want die mens is die eens gevalle oergees, vir wie deur My eindelose liefde
alle moontlikhede ontsluit is om weer te word wat hy eertyds was: ‘n Hoogs
volmaakte wese, wat nou egter in vrye wil die volmaaktheid kan bereik wat
Ek hom nie kon gee nie en nou is "die werk van My Hande" voltooi tot My
ewebeeld en het hy My kind geword.
Dit is die doel wat Ek My gestel het vanaf die allereerste begin, waar ‘n
eindelose lang weg van ontwikkeling egter voor nodig was en as My
heilsplan van die ewigheid opgeneem moet word. En so weet julle mense,
dat julle die gevalle geestelike is wat julleself vlak voor die einddoel bevind,
wat daarin bestaan dat julle julleself uit vrye wil met My moet verbind, wat
weer beteken dat julle julleself moet omvorm tot liefde om julle met My as
die Ewige Liefde te kan verenig.
Julle weet nou dat julle bestaan nie nou eers as mens begin het nie, maar
dat julle al ewige tye bestaan. Julle moet nie glo dat julle uit My
voortgekom het in ‘n toestand wat nie volmaak genoem kan word nie, want
julle het swakhede en gebreke. Julle is geen volmaakte skepsel nie en kan
dus ook nooit as te nimmer in hierdie toestand uit My voortgekom het, Wie
slegs die volmaakte kan skep nie.
En hierdie kennis moes julle al laat dink het en julle tot die insig gebring
het dat julle aardse lewe ook ‘n doel moet hê, naamlik om weer die
volmaaktheid te bereik waarin julle julleself eertyds bevind het en wat
226