Deel 4 - Nuweopenbaring::: Welkom by Die Nuwe Openbaring

Die innerlike woord - Hoe ontstaan die bose?
8863 2 Oktober 1964
Sodra julle mense julle God en Skepper in My sien, sodra julle die korrekte
verhouding met My tot stand gebring het, naamlik die van ‘n kind met sy
Vader, staan julle ook in die korrekte verhouding tot My, dit wil sê, julle sal
vervul wees met diepe deemoed en julle sal wag om deur My aangespreek
te word, wat Ek niemand van julle sal weier wat op die korrekte wyse tot
My bid nie waarvoor die diepste ootmoed onherroeplik nodig is, want aan
die ootmoedige skenk Ek My barmhartigheid.
Julle mense moet julle egter vir My aanspreking oopstel, julle moet elke
gedagte wat in julle opkom, na ‘n innige gebed, as ‘n antwoord van My
sien. Want julle kan dan onmoontlik iets anders dink as wat dit My Wil is,
omdat Ek julle belowe het dat julle maar net op die goeie manier, dit wil sê,
in gees en in waarheid tot My moet bid, sodat Ek julle gebed kan hoor en
verhoor.
Tog hoef julle nie op ongewone resultate te reken, dat julle My nou
hoorbaar verneem nie, maar elke gedagte wat na innige gebed in julle
opkom, is My antwoord. En julle sal dan waarlik maar net goeie gedagtes
hê, wat nie uit ‘n ander bron kan ontspring as uit Myne nie. Julle moet
steeds weet dat Ek weet wanneer julle gedagtes op My gerig is en dat geen
gedagtes van die vyand julle dan kan tref nie. Julle moet weet dat Ek vir
julle lief is wanneer julle hierdie houding tot My het en nou kan Ek julle
gee na die mate van volwassenheid van julle siele, of Ek My hoorbaar kan
uiter, wat tog in ‘n heel enkele geval moontlik is. Wanneer Ek My egter
hoorbaar kan uiter, is elke dwaling uitgesluit. Want dan klink dit in julle
soos ‘n helder klokkie, julle word oorgelukkig wanneer julle My Stem so
verneem. En Ek kan julle dan openbaringe laat toekom van die diepste
wysheid en julle kan sulke openbaringe sonder beswaar glo en dit sal julle
geloof besorg.
Nou moet dit egter net in die oog gehou word, dat die mens homself
verstandelik besig hou met probleme en dat sy verstand ‘n verkeerde weg
kan gaan, waardeur die teenstander die moontlikheid gegee word om
tussenbeide te kom en die mens dan ook wel ‘n stem hoor, wat hom egter
nie gelukkig maak nie, maar ‘n ligte onbehae in hom opwek. En hierdie
stem los dan die probleem so op, soos wat dit met die wil van die mens
ooreenkom. Daarom is dit reg en nodig om by sulke vrae dringend te bid en
dat julle die versoek om beskerm te word teen dwaling, vroeër na My
opstuur, omdat hierdie bede julle teen die werksaamheid van die
teenstander behoed. Dan maak die mens homself gereed vir die antwoord
wat hy dan ook van Myself kry, aangesien die versoek die teenstander
wegdring.
En juis die vraag: Of die bose ook van My uitgegaan het, hou julle mense
ook vandag nog besig, net soos in die tyd van die openbaringe daaroor. Ek
kan julle egter steeds maar net sê dat Ek geen slegte gedagtes in My kan
458