Deel 4 - Nuweopenbaring::: Welkom by Die Nuwe Openbaring

Die uitleg van My woorde het gelei tot die mees verskillende
"heiligingsmiddele" tot die sakramente wat alle heiliging moet bring vir die
mense. Maar hoe kan so-iets geskied, wanneer die liefde by die mense
ontbreek? Die mens is maar net op aarde met die doel om homself te vorm
tot liefde. Hoe kan ‘n mens, slegs deur die daad van die doop, vry word van
die erfsonde, waartoe ‘n in liefde geleefde lewe op aarde nodig is. Hoe kan
‘n mens deur ‘n uiterlike bekentenis met die mond, vry word van allerlei
sonde, wanneer die diepste liefde tot Jesus hom nie hierdie bekentenis kan
laat afdwing nie? En hoe kan ‘n mens wat slegs beoordeel word volgens die
graad van sy liefde, deur sulke "heiligingsmiddele", bevry word van sy
skuld, en die ryk hierna ingaan?
Deur My woord, deur die onderrigting van Bo, word aan julle alle verkeerde
leerstellings onthul en julleself sal ‘n standpunt daarteenoor kan inneem.
Want hierdie sekerheid sal julle moet hê, dat julle van bo, die suiwerste
waarheid gestuur word en dat Ek Self hierdie Bron van Waarheid is, dat Ek
julle ook duidelikheid kan gee, hoe Ek My Woord begryp wil hê, maar dat
Ek ook elke geleentheid aangryp waar dit moontlik is, want My teenstander
weet goed hoe hy julle almal met sy kennis fassineer. En julle verweer julle
nie deur self die waarheid te wil weet nie, julle neem sonder nadenke aan
wat julle voorgelê word en wend julle nie een keer tot Hom Wat Die
Oorsprong van alle kennis is nie, julle rig julle nie eenmaal tot die hoogste
Instansie nie, vraend om die waarheid wat julle sekerlik nie geweier sal
word nie, want Ek wag slegs op die roep, sodat Ek die waarheid in die
suiwerste vorm kan uitdeel en die mense uit die net van dwaling lei in die
waarheid. Want die mense het ‘n vrye wil, wat Ek nie sal aantas nie, maar
met die hulp kan hulle ook die teenstander verdring, wanneer hulle maar
die suiwere waarheid begeer. Amen
Opdrag om teen dwaalleer op te tree
8832 19 Julie 1964
Dit is julle opdrag om teen dwaalleer te stry dit sê Ek julle sodat dit vir alle
mense duidelik te begryp is, sodat hulleself die dwaasheid insien van dit
wat hulle geleer is, as hulle daartoe bereid is. My sorg geld almal wat al 'n
bietjie twyfel. En daar is My baie aan geleë om hulle in die waarheid te
bring. Aan hulle wat hulle egter nie wil losmaak van die dwaalleer van hul
kerk nie, kan ook die suiwer waarheid nie gebring word nie, want hulle sien
dit nie in nie, omdat hulle geen verlange na die waarheid het nie.
Maar tog is dit goed as hulle julle opvatinge leer ken en daardeur te wete
kom wat nie tot die volwassewording van hul siel bydra nie, wat die liefde
nie as prinsiep het nie. En solank julle nog heeltemal vry kan praat moet
julle daarvan gebruik maak en ook heeltemal openlik praat. Julle moet julle
standpunt stel teenoor die dwaalleer en steeds vas glo en benadruk, dat Ek
Self die Gewer van die waarheid is, dat julle met My gawe werk, wat julle
ook die reg gee om daarvoor op te kom. Want dit is ‘n gawe van Bo
435