Deel 4 - Nuweopenbaring::: Welkom by Die Nuwe Openbaring

God en Skepper, julle Vader van ewigheid sal liefhê uit heel julle harte, met
alle innigheid waartoe julle wese in staat is en dat julle aan die verlossing,
ofwel die salig word van elke wesens wat die laaste doel nog nie bereik het
nie, met totale ywer sal deelneem. Want die liefde dryf julle daartoe, wat
dan ook ‘n sodanige graad bereik sal hê, dat dit vir julle moontlik sal wees
om alles te realiseer wat julle wil. Want dan het julle wil geheel in Myne
ingegaan en het julle dus gode geword, tot My kinders, wat Ek ewig nie
meer sal verloor nie. Amen
Veranderinge in die kosmos
8780 15 Maart 1964
Steeds dieper wil Ek julle in die waarheid lei, sodat julle kan standhou teen
elke aanvegting van My teenstander. Hy sal niks onbeproef laat om julle
werk vir My en My ryk teen te hou nie. En hoe meer julle weet en deurdring
is van die waarheid, des te beter kan julle ook standhou. Julle sal alle
teenwerpings en teenstrydige menings herken as dwaas en ongegrond,
want dit is altyd slegs leë woorde sonder diepere betekenis en sonder
waarde. Maar Ek wil dat die lig in julle sterker word. Dat julle met ‘n steeds
meer heldere gees die verband leer insien van alles wat daar gebeur, sodat
geen teenwerping julle meer kan ontstel nie.
En Ek wil natuurlik ook dat die dwaling gekorrigeer word waar dit julle
verkondig word. Ek wil verder dat julle ernstige stryders vir My wees en dat
julle met die “swaard van die mond" sal stry waar julle teenoor dwaling te
staan kom. Want julle is deur My gekies as ligdraers, om die waarheid te
bring waar nog ‘n verlange is na die waarheid.
Juis die sogenaamde einde van hierdie aarde sal ‘n strydobjek wees omdat
weinig mense daarin wil glo. Maar die verwoesting aan die einde is so
ontsettend, dat dit vir die mense ongelooflik lyk. Want so ver hulle kan
terugdink het daar niks voorgeval wat daarmee te vergelyk is nie.
Maar tog sal dit gebeur en iedereen verras behalwe die klein kudde, wat
deur ‘n lewe in die liefde ‘n innerlik lig ontvang het en daarom ook die einde
bewus verwag. Waar egter nog die geringste begeerte na die wêreld is en
waar die mense hul nog nie geheel losgemaak het van die verlange na
aardse goedere nie, daar sal die geloof in ‘n einde van hierdie aarde maar
swak wees, of in die geheel nie aanwesig wees nie. Die soort mense sal
elke voorspelling as vals in die wind slaan en hulle altyd probeer teen
spreek. En daar sal ook geen redenering van nut wees nie, omdat hulle
eenvoudig nie wil glo nie. Die liefde tot die wêreld is sterker as die liefde tot
die naaste, anders was hul gees ontwaak en hulle sou nie die geringste
twyfel hê oor wat Ek deur My gees steeds aan die mense verkondig het. En
steeds met die bedoeling, dat hulle hulself betyds voorberei op die nabye
einde.
Julle egter, My ligdraers, julle sal steeds meer versterk word in julle geloof
en in alles wat Ek Self julle verkondig. Julle sal My liefde mag ervaar en ook
398