Deel 4 - Nuweopenbaring::: Welkom by Die Nuwe Openbaring

altyd in die gedagtes van ‘n persoon kan inmeng wat nie so intiem in
kontak met My is dat Ek hom kan beskerm nie. Maar dit is seker dat Ek Self
geen geestelike kennis aan ‘n persoon stuur wat nie met die waarheid
ooreenkom nie en dit moet vir die persoon duidelik wees, anders sal My
liefde, wysheid en mag betwyfel kan word. Dit volg dat ‘n direkte
transmissie van My Woord na ‘n persoon nie kon plaasvind as dit met
valsheid geassocieer kan word nie.
Julle mense kan nie versigtig genoeg wees nie en moet altyd die invloed
van die teenstander vrees terwyl julle julleself nie tenvolle aan My gee nie
en om My beskerming vra, wat Ek waarlik aan elkeen sal gee wie opreg in
uiterste waarheid wil lewe en dit weer deurgee aan sy medemens, as hulle
deur My bestem is vir hierdie waarheid. Die valsheid is ware gif vir die
mens se siel, gevolglik moet julle aksie neem teen dit en dit herhaaldelik
teenstaan met die waarheid, omdat julle dit van My ontvang het omdat dit
noodsaaklik is dat die lig in die duisternis moet skyn. Julle vrye wil laat die
toevloei van misleide gedagtes toe, want as julle, julle innerlik teen dit
verset met die bewustheid om die suiwer waarheid te dien, kan misleidde
geestelike konsepte nie in julle gevestig word nie. Maar Ek kan nooit erken
dat iets wat die suiwer waarheid teenspreek uit My voortgekom het nie.
Julle moet daarom slegs altyd daarvoor sorg om die suiwerste waarheid te
versprei en ontoegeeflik oorlog verklaar teen valsheid en julle sal
ooreenkomstig My wil en in My naam handel. Amen
Die proses van terugbring
8564 20 Julie 1963
Niks kan vir ewig verlore gaan, wat eens deur My en My krag ontstaan het
nie. Dit bly bestaan omdat dit onverganklik is en keer ook onherroeplik na
My toe terug, as die Kragbron van die Ewigheid, omdat dit in die wet van
My ewige ordening gegrondves is. Tog kan die wesens, wat uit My
voortgekom het, as volmaakte, goddelike skepsel, uit vrye wil omslaan in
die teendeel. Hy kan sy volmaaktheid prysgee en homself vorm tot ‘n wese
wat homself verset teen God. En dit het hulle gedoen en was nie deur My
gehinder nie, omdat Ek ‘n plan nagestreef het. Want Ek het vir al My
geskape wesens ‘n doel gestel: Dat hulle tot My "kinders" sou word, wat Ek
Self nie kon skep nie, maar wat hulle in vrye wil self daartoe moet vorm. En
dus het Ek nie verhinder dat hulle van My afval nie, maar het vir al hierdie
wesens ‘n proses voorberei om hulle terug te bring. Ek het die eens van My
as wesens uitgestraalde krag omvorm tot skeppingswerke van allerlei
soorte. Ek laat die wesens uiteenval in ontelbare partikeltjies waardeur ook
skeppingswerke tot lewe gebring was. En sodoende het die krag nou
werksaam geword volgens My Wil, dit wil sê, gehoorsaam aan die
natuurwet het elke skeppingswerk die toegewysde opdrag verrig, want niks
het Ek laat ontstaan sonder sin of doel nie.
225